Өнөөдөр гадаа 27 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 141 дахь өдөр бөгөөд он дуусахад 224 хоног үлдлээ.
- Цаг агаар өдөртөө 27 хэмийн дулаан бол шөнөдөө 10 хэм дулаан байх нь ээ.
- Билгийн тооллын 20, Элдэв тэнгэртэн одтой харагчин тахиа өдөр. Сугар гараг. Тухайн өдөр үхэр, могой жилтнээ аливаа үйлийг хийхэд эерэг сайн ба бар туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Хол газар явах хүн зүүн зүгт мөрөө гаргавал зохистой. Үсээ шинээр үргээлгэх буюу өлсөж ундаасна хэмээжээ.
- Манай улсын голлох валют болох ам.долларын ханш авах нь 3130.00 зарах нь 3135.00 төгрөгтэй тэнцэж байгаа бол бусад валют болох рубль авах нь 44.70, зарах нь 45.50 харин юань авах нь 463.00 зарах нь 465.00, вон авах нь 2.44 зарах нь 2.47 төгрөг байна.
Өнөөдөр болох онцлох үйл явдлууд:
- 10.00 цагт Нийслэлийн Гэр бүл хүүхэд залуучуудын газраас төрөлжсөн асрамжийн газар, халамжийн төвийн нийгмийн ажилтан, албан хаагчдын дунд Шилдэг илтгэл, Ур чадварыг уралдааныг зохион байгуулна. Нийслэлийн засаг захиргааны V байранд болно.
- 10.00 цагаас Үндэсний бичиг соёлын өдрийн нээлт болно.
- 11.00 ЭМЯ-наас ковидын нөхцөл байдлын талаарх тоон мэдээллийг цахимаар өгнө.
Энэ өдөр дэлхийн түүхэнд:
- Өнөөдөр Чили улсад Усан цэргийн өдөр тохиож байна.
- 1989 оны энэ өдөр Шинэ Зеландын жүжигчин, дуучин Emily Robins мэндэлжээ.
- 2012 онд Бүгд Найрамдах Йемен Улсын нийслэл Сана хотод нэгэн амиа золиослогч бөмбөг дэлбэлснээс болж 120 гаруй хүн амь насаа алджээ.
- 2011 онд АНУ-ын Радио нэвтрүүлэгч Harold Camping уг өдрөөс таван сарын дараа дэлхийн төгсгөл ирнэ хэмээн зөгнөж байжээ.
- 1998 онд Майамид нэгэн халдагч үр хөндөлтийн таван эмнэлэгт тосны хүчил асгаж, их хэмжээний хохирол учруулж байжээ.
- 2001 онд Францын "Taubira" хууль батлагдав. Энэ нь Атлантын боолын худалдаа, боолчлолыг хүн төрөлхтний эсрэг гэмт хэрэг хэмээн албан ёсоор хүлээн зөвшөөрч байгаа хэрэг юм.
- 2005 онд дэлхийн хамгийн өндөр галзуу хулгана болох "Kingda Ka" нь АНУ-ын Нью-Жерсид орших "Six Flags Great Adventure" паркад нээлтээ хийжээ.
