Өнөөдөр гадаа 24 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 139 дахь өдөр бөгөөд он дуусахад 226 хоног үлдлээ.
- Цаг агаар өдөртөө 24 хэмийн дулаан бол шөнөдөө 6 градус дулаан байх нь ээ.
- Билгийн тооллын XVII Жарны "Буян үйлдэгч" хэмээх Усан бар жилийн Зуны тэргүүн хөхөгчин могой сарын 19. Бархасвадь гараг. Суулга одтой, найман цагаан мэнгэтэй, хар бич өдөр. Өдрийн наран 5 цаг 09 минутад мандан, 20 цаг 28 минутад жаргана. Тухайн өдөр хулгана жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урд зүгт мөрөө гаргавал зохистой. Үс шинээр үргээлгэх буюу засуулбал "Сайн нөхөртэй учирах" хэмээх сайн гэжээ.
- Манай улсын голлох валют болох ам.долларын ханш авах нь 3128.00, зарах нь 3133,00 төгрөгтэй тэнцэж байгаа бол бусад валют болох рубль авах нь 43.00, зарах нь 44.00, харин юань авах нь 462.50, зарах нь 465.00, вон авах нь 2.42, зарах нь 2.46 төгрөг байна.
Өнөөдөр болох онцлох үйл явдлууд:
- 9.00 цагт МТҮП-т “Инновацлаг ЖДҮ” хурал болно.
- 10.00 цагт ШУА-ийн Тэргүүлэгчдийн байранд Соёлын өвийн бүртгэл, мэдээллийн “MAPSS” төслийн сургалт, хэлэлцүүлэг болно.
- 10.00 цагт "Монгол ньюс" мэдээллийн төвд “Монгол тээврийн ирээдүй”, “Өмнөговь аймгийн авто тээвэрчдийн нэгдсэн холбоо” ТББ болон “Монгол тээвэр нэгдэл” ХХК хамтран нүүрсний тээврийн С зөвшөөрлийн талаар мэдээлнэ.
- 11.00 цагт “Үндэсний мэдээллийн төв”-д “Иргэдийн шударга шүүх” ТТБ-аас тус байгууллагын 15 жилийн ойн хүрээнд “ИЛЧИЛЬЕ” хөдөлгөөн өрнүүлэх талаар мэдээлнэ.
- 11.30 цагт Глоб Интернэшнл төвөөс “Хэвлэл мэдээлэл иргэний чөлөөт орон зайг хамгаалах нь” хурлыг цахимаар зохион байгуулна.
- 14.00 цагт МҮХАҮТ-д Монголын маркетингийн холбооноос 200 жижиг дунд бизнес эрхлэгчид маркетингийн зөвлөгөө төлбөргүй өгөх өдөрлөг зохион байгуулна. Утас: 99752511
- 14.00 цагт “Мишээл Экспо” төвд Жижиг, дунд үйлдвэрийн олон улсын үзэсгэлэн худалдаа эхэлнэ.
- 14.40 цагт “Туушин” зочид буудалд “Мал аж ахуйн эдийн засгийн эргэлтийг нэмэгдүүлэх” төслийн хурал болно.
- 15.00 цагт ГХЯ-нд Монгол Улс, Япон Улс дипломат харилцаа тогтоосны 50 жилийн ойд зориулсан шуудангийн маркийн анхны өдрийн нээлт болно.
- 19.00 цагт "Cinema Next" кинотеатрт "Reaction" продакшны бүтээл, жүжигчин Э.Тодгэрэл, Х.Цасчихэр нарын гол дүрд нь тоглосон "Ghost" киноны нээлт болно. Утас: 96696674
Дэлхий дахинд энэ өдөр болж байсан үйл явдлууд:
- Өнөөдөр Кыргызстан улсын Ээж нарын баярын өдөр тохиож байна.
- 1962 онд АНУ-ын 35 дахь Ерөнхийлөгч агсан Жонн Кеннедигийн төрсөн өдөрт зориулж Мадисон цэцэрлэгт хүрээлэнд салют буудуулж байсан бөгөөд Мэрилин Монро "Төрсөн өдрийн мэнд хүргэе" хэмээн бичиж байжээ.
- 1971 онд ЗХУ "Марс-2" нэртэй сансрын станцыг хөөргөж байжээ.
- 2012 онд Сирид бөмбөг дэлбэрч 9 хүний амийг авч оджээ.
- 1950 онд Египэт Суэцийн сувгийг хааж, Израйлийн хөлөг онгоц болон худалдаачдыг нэвтрүүлэхгүй хэмээн зарлажээ.
