Өнөөдөр гадаа 20 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 18-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 138 дахь өдөр бөгөөд он дуусахад 227 хоног үлдлээ.
- Цаг агаар өдөртөө 20 хэмийн дулаан бол шөнөдөө 2 хэм дулаан байх нь.
- Билгийн тооллын 17, Гар одтой, цагаагчин хонь өдөр. Тухайн өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул аливаа үйлд хянамгай хандаж, биеэ энхрийлүүштэй. Эл өдөр эм, эмнэлэгийн элдэв үйл, хагалгаа хийлгэх, биеийн тамирыг сэргээх, хишиг даллага дуудуулах, насан бүтээл хийлгэх, эрдэнийг гадагш өгөх, мал худалдан авах, мал түгээх, сахил санваар авах, огторгуйн үүдийг боох, их хүмүүнтэй уулзахад сайн. Хануур, төөнүүр хийлгэх, балгадын суурь тавих, нохой худалдан авахад муу. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3128.00, зарах нь 3132,00 төгрөгтэй тэнцэж байгаа бол бусад валют болох рубль авах нь 42.30, зарах нь 42.70, харин юань авах нь 461.00, зарах нь 463.00, вон авах нь 2.44, зарах нь 2.47 төгрөг байна.
Өнөөдөр болох онцлох үйл явдлууд:
- 9.00 цагт Монголын хуульчдын холбооноос 75050801, 75050802, 75050803 дугаарын утсаар хууль зүйн төлбөргүй зөвлөгөө өгнө.
- 11.00 цагт Монголын өрхийн анагаах ухааны мэргэжилтнүүдийн холбооноос “XXI зуунд мэргэшсэн өрхийн эмч олдох уу” сэдвээр мэдээлнэ.
- 12.00 цагт Монголын байгалийн гэрэл зурагчдын нийгэмлэгээс Ерөнхийлөгчийн ивээл дор “Монголын байгалийн шилдэг гэрэл зураг 2022” олон улсын уралдаан зохион байгуулах талаар хэвлэлийн хурал хийнэ.
- 11.00 цагт МҮЭХ-ны байранд үйлдвэрчний эвлэлийн байгууллагаас эрчим хүчний нүүрсний үнийн асуудлаар хэвлэлийн хурал хийнэ. Утас: 99082136, 94949454
- 11.40 цагт Монголын үндэсний музейн гадна талбайд Олон улсын музейн өдрийн нээлтийн ёслол болно.
- 11.40 цагт Богд хааны ордон музейд "Хос шаглаа" уран хатгамлын үзэсгэлэнгийн нээлт болно.
- 14.00 цагт Нийслэлийн ерөнхий боловсролын 29 дүгээр сургуулийн гадна тус сургуулийн захирал ажилтнуудаа үүрэгт ажлаас нь хууль бусаар чөлөөлсөн талаар багш нар хэвлэлийн хурал хийнэ. Утас: 99453469
Энэ өдөр дэлхийн түүхэнд:
- Өнөөдөр бол Олон Улсын музейн өдөр.
- Мөн өнөөдөр Дэлхийн ДОХ-ын эсрэг вакцины өдөр.
- 1988 оны энэ өдөр БНСУ-ын алдарт Big bang хамтлагийн дуучин Taeyang мэндэлжээ.
- 1969 онд АНУ-ын "Аполло 10" сансрын программ хөөрч, саранд газардсан 2 дахь хөлөг болжээ.
