Өнөөдөр гадаа 21 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 17-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 137 дахь өдөр бөгөөд он дуусахад 228 хоног үлдлээ.
- Цаг агаар өдөртөө 21 хэмийн дулаан бол шөнөдөө 8 градус дулаан байх нь ээ.
- Билгийн тооллын 16, Ангараг гараг. Эрхтэний тэнгэр одтой цагаан морь өдөр. Өнөөдөр үсээ авахуулах буюу засуулбал өвчин ирэх гэнэ. Энэ өдөр бар, нохой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш авах нь 3125.00, зарах нь 3133.00 төгрөгтэй тэнцэж байгаа бол бусад валют болох рубль авах нь 41.60, зарах нь 42.00, харин юань авах нь 460.00, зарах нь 463.00, вон авах нь 2.42, зарах нь 2.46 төгрөг байна.
Өнөөдөр болох онцлох үйл явдлууд:
- 10.00 цагт Монгол дахь Америкийн худалдааны танхимаас Шангри-Ла зочид буудлын Парис-Бээжин танхимд “Шинэ сэргэлтийн бодлогын санхүүжилт ба хэрэгжилт” сэдвээр уулзалт зохион байгуулна. Тус уулзалтад Эдийн засаг, хөгжлийн яамны дэд сайд С.Наранцогт, эдийн засгийн ухааны доктор Ч.Хашчулуун, Эдийн засгийн бодлого, өрсөлдөх чадварын судалгааны төвийн захирал Б.Лакшми илтгэл хэлэлцүүлнэ.
- 12 цагаас Ард түмний штабаас баруун хаалган дээр мэдээлэл хийнэ. УИХ-ын даргад шаардлага хүргүүлнэ.
Энэ өдөр дэлхийн түүхэнд:
- 2018 онд АНУ-ын Сенатын танхим Тагнуулын төв газрын даргаар Жина Чери Хаспелийг батламжлав. Ингэснээр Тагнуулын төв газрыг удирдсан анхны эмэгтэй болсон юм.
- 2009 онд өдгөө тоглоом сонирхогчдын дунд алдартай байгаа "Майнкрафт" тоглоом албан ёсоор худалдаанд гарчээ.
- 2007 онд Өмнөд болон Хойд Солонгосын Засгийн газар тохиролцсоны үндсэн дээр 38 дугаар өргөрөгөөр галт тэрэгний шугмыг туршчээ. Энэ нь 1953 оноос хойш анх удаагаа цэрэггүй бүсийг хөндлөн туулсан үйл явдал болсон юм.
- 2004 онд АНУ-ын Массачусетс муж ижил хүйстний гэрлэлтийг хуульчилсан анхны муж болжээ.
- 2000 онд Данийн нийслэл Копенгаген хотноо болсон Европын хөлбөмбөгийн холбооны цомын тэмцээний шигшээ тоглолтын үеэр Арсенал болон Галатасарай клубийн хөгжөөн дэмжигчдийн хооронд мөргөлдөөн үүсэв.
- 1994 онд Малави улсад анх удаагаа олон намын оролцоотой ардчилсан, чөлөөт сонгууль болов.
- 1992 онд Тайландын Ерөнхий сайд Сушинда Крапраёныг эсэргүүцсэн олон нийтийг хамарсан жагсаал эхлэв. Гурав хоног үргэлжилсэн жагсаалын үеэр 52 хүн амиа алдаж, 3500 хүн баривчлагджээ.
