Өнөөдөр гадаа 19 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 16-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 136 дахь өдөр бөгөөд он дуусахад 229 хоног үлдлээ.
- Цаг агаар өдөртөө 19 хэмийн дулаан бол шөнөдөө 1 градус дулаан байх нь ээ.
- Билгийн тооллын 15, онгоц одтой, шарагчин морь өдөр. Өдрийн наран 05 цаг 13 минутад мандаж, 20 цаг 24 минутад жаргана. Энэ өдөр үхэр, тахиа жилтнээ аливаа үйлийг хийхэд эерэг сайн байна. Өнөөдөр үсээ авахуулах буюу засуулбал өлзийтэй сайн гэнэ.
- Манай улсын голлох валют болох ам.долларын ханш авах нь 3116.00, зарах нь 3125.00 төгрөгтэй тэнцэж байгаа бол бусад валют болох рубль авах нь 40.80, зарах нь 42.00, харин юань авах нь 458.00, зарах нь 463.00, вон авах нь 2.42, зарах нь 2.46 төгрөг байна.
Өнөөдөр болох онцлох үйл явдлууд:
- 11.00 цагт “Монголын инновацийн 7 хоног” үйл ажиллагааны хэвлэлийн бага хурал IT паркийн 211 тоотод болно. Хэвлэлийнхэн та бүхэн хүрэлцэн ирнэ үү.
- 11.00 цагт “Зууны мэдээ” сонины “Үндэсний мэдээллийн төв”-д МУГЖ Сосорбарам руу гурил цацсан Х.Бээжин мэдээлэл хийнэ.
- 11:30 цагаас Вэйп хэрэглэгчдийн холбооноос мэдээлэл хийнэ.
- 12:00 цагаас "Номын соёлт ертөнц" ТББ-аас Үндэсний номын баяр 31 дэхь удаагаа түүнийг тойрсон чимээ шуугиан сэдвээр мэдээлэл хийнэ.
Энэ өдөр дэлхийн түүхэнд:
- 1986 оны энэ өдөр "Өсвөрийн мэлхий нинжа", "Трансформерс" киноны од Америкийн жүжигчин Меган Фокс мэндэлжээ.
- Мөн 1981 оны энэ өдөр Португалийн алдарт хөлбөмбөгч Рикарду Кошта мэндэлжээ.
- 2011 онд АНУ-ын Кеннедигийн нэрэмжит Сансар судлалын төвөөс "Шаттл" сансрын хөтөлбөрийн хүрээнд "Эндевор" хөлөг сүүлийн нислэгээ үйлджээ.
- 2005 онд Кувейтын хаант улсад эмэгтэйчүүдийн эрхийг улс төрийн хүрээнд хангах хуулийн төслийг Үндэсний Ассемблей хэлэлцэн 35-23 харьцаагаар батлав.
- 1997 онд Зайр буюу одоогийн Конго улсын Ерөнхийлөгч Мобуту Сесе Секо цэргийн эргэлтийн улмаас эх орноосоо дүрвэн гарав.
- 1988 онд Их Британи, Умард Ирландын нэгдсэн Хаант улсын Хатан хаан II Элизабет АНУ-ын Конгресст үг хэлэв. Ингэснээр АНУ-ын Конгресст үг хэлсэн Их Британийн анхны төрийн тэргүүн болсон юм.
- 1929 онд АНУ-ын Калифорни мужийн Лос Анжелес хотод кино урлагийн шилдгүүдийг шалгаруулах Академийн наадам буюу Оскарын наадам анх удаагаа зохиогджээ. Анхны наадымн шилдэг киногоор "Даль Жигүүр" кино шалгарсан юм.
