Пакистаны хойд нутагт цасан шуурга болж, замын түгжрэл үүссэний улмаас 21 хүн осгож, амиа алдсан тухай BBC мэдээлэв. Пакистаны Дотоод хэргийн сайд Шейх Рашид Ахмадын мэдээлснээр их хэмжээний цас орсноос 1000 орчим машин хурдны зам дээр гацсан байна. Цагдаагийнхний хэлснээр зургаан хүн машиндаа осгосон бол бусад хохирогчийн амиа алдсан нөхцөл байдлыг тодруулж буй аж. Тэднийг угаартсан байж болзошгүй хэмээн таамаглаж байна.
