Өнөөдөр гадаа 16 хэмийн дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
4 дүгээр сарын 23-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 112 дахь өдөр бөгөөд он дуусахад 253 хоног үлдлээ.
- Цаг агаар өдөртөө 16 хэмийн дулаан бол шөнөдөө -7 хэмийн хүйтэн байх нь ээ.
- Билгийн тооллын 1. Буд гараг. Шийдэм одтой, найман цагаан мэнгэтэй улаан бич өдөр. Өдрийн наран 5 цаг 48 минутад мандан, 19 цаг 53 минутад жаргана. Тухайн өдөр хулгана жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сан тавиулах, угаал үйлдэх, бүжиг наадам хийх, цэцэрлэг байгуулах, хур оруулах, дархны үйлд сайн.
- Манай улсын голлох валют болох ам.долларын ханш 2791.00 төгрөгтэй тэнцэж байгаа бол бусад валют болох рубль 37.70, юань 393.70, вон 2.26 төгрөг байна.
Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
Өнөөдөр болох онцлох үйл явдлууд:
- 10.00 цагт Төрийн ордонд УИХ-ын чуулган хуралдана.
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
Улс төрийн намууд УИХ-ын 2020 оны сонгуульд оролцох хүсэлтээ доорх хуваарийн дагуу СЕХ-нд хүргүүлнэ.
- 12.00 цагт “Сахигтун! Үндсэн хуулийн 19 эвсэл”
- 14.00 цагт Ард түмнээ хайрлая нам
- 16.00 цагт Ард түмний нам
- 16.00 цагт Хөгжлийн хөтөлбөр нам
Энэ өдөр дэлхийн түүхэнд:
- Өнөөдөр Дэлхийн номын өдөр тохиож байна.
- 1995 оны энэ өдөр Америкийн загвар өмсөгч Жижи Хадид мэндэлжээ.
- 2005 онд нийгмийн сүлжээний хамгийн алдартай цахим хуудас болох YouTube-д хамгийн анхны дүрс бичлэг тавигдав. Анхны дүрс бичлэгийг "Me at the Zoo" нэрээр оруулжээ.
- 1985 онд алдарт Кока-Кола компани бүтээгдэхүүнийхээ баглаа боодол, орц найрлагыг өөрчлөн "New Coke" ундааг худалдаанд гаргав. Гэвч худалдааны амжилтгүй байдал, олон нийтийн шүүмжлэл зэргээс шалтгаалан гурван сарын дараа худалдаанаас татжээ.
- 1971 онд Бангладешийн чөлөөлөх дайн: Зүүн Пакистаны Жатхибанга тосгоны 3,000 хинду иргэд Разакарсын халдлагаас дүрвэн гарав.
- 1949 онд Хятадын иргэний дайн: Хятадын ардын чөлөөлөх тэнгисийн цэрэг байгуулагдав.
- 1935 онд Польш улсад үндсэн хууль батлагдав.
