Өчигдөр /2019.09.19/ “Huawei” компани сүүлийн үеийн загварын ухаалаг гар утаснуудаа танилцуулжээ. “Mate 30” цувралууд нь “Kirin 990 5G SoC” процессортой, зургаан өнгөний сонголттой, дөрвөн камертай гэнэ. Харин шинэ загварын гар утаснууд нь “Android” үйлдлийн системтэй утаснуудад урьдчилан суулгасан байдаг зарим аппликейшингүй (YouTube, Google Maps, Gmail зэрэг) ажээ. Мөн хэрэглэгчид гуравдагч хавсралтуудыг татах зориулалттай “Play Store”-гүй аж. Тэдний оронд “Huawei” өөрсдийн шинэ аппликейшинуудыг суулгасан байна. Харин “Facebook”, “Instagram”, “WhatsApp”-ыг “Huawei App Gallery”-с татах боломжтой ажээ. . “Huawei” компанийн шинэ бүтээгдэхүүний танилцуулга Германы Мюнхен хотод болжээ.
