Сурагчдын амралт үргэлжилж буй энэ үед Хүүхдийн урлан бүтээх төвийн сургалтууд хамгийн эрэлттэй. Иймд Хүүхдийн урлан бүтээх төвийнхөн сургалтууддаа нэмэлт элсэлт зарласан байна. Тухайлбал, монгол уран бичиг, хар зураг, эко гар урлал, сүрлэн сүлжмэл, үндэсний уламжлалт уран хатгамал зэрэг ангид элсэх боломжтой юм. Мөн хувцас загвар, сүрлэн наамал, уран зураг гээд хүүхдийн бүтээлч сэтгэлгээг хөгжүүлэх 10 төрлийн сургалт бий аж. Долоо хоногийн хоёр өдөр хичээллэх бөгөөд сургалт 09.00-11.00 цагт үргэлжилдэг юм байна. Харин өдрийн ээлжийнх нь 14.00-16.00 цагт хичээллэдэг гэнэ. Иймд өөрт тохиромжтой цагаа сонгож, төрсний гэрчилгээний хуулбар, цээж зурагтайгаа Хүүхдийн урлан бүтээх төвийн байранд очиж сургалтдаа бүртгүүлээрэй.
А.Тэлмэн
