5 дугаар сарын 7-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 127 дахь өдөр бөгөөд он дуусахад 238 хоног үлдлээ.
- Цаг агаар өдөртөө 26 хэмийн дулаан бол шөнөдөө 10 градус дулаан байх нь ээ.
- Билгийн тооллын 22, таван шар мэнгэтэй шарагчин гахай өдөр. Өнөөдөр үсээ авахуулах буюу засуулбал идээ ундаа элбэг олдох гэнэ. Энэ өдөр хонь, туулай жилтнээ аливаа үйлийг хийхэд эерэг сайн, бар жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2405.00 төгрөгтэй тэнцэж байгаа бол бусад валют болох рубль 39.00, юань 379.00, вон 2.24 төгрөг байна.
Өнөөдөр болох онцлох үйл явдлууд:
- Нийслэлийн эрүүл мэндийн газраас Нийслэлийн боловсролын газартай хамтран зохион байгуулж буй “Амны хөндийн эрүүл мэнд” сэдэвт ээлжит сургалтын нээлт 09.30 цагт Чингэлтэй дүүргийн тавдугаар сургууль дээр болно.
- MN-Мэдээллийн төвд 11.30 цагаас Монголын Хүний төлөө намаас Нийтийн сонсголын тухай хуулийн дагуу УИХ-ын гишүүн, Хууль зүйн сайд Ц.Нямдоржтой холбоотой асуудлаар нээлттэй сонсгол зохион байгуулах хүсэлтийг УИХ-д хүргүүлэх, Монгол Улсын үндсэн хуулиар олгогдсон шударга шүүхээр шүүлгэх эрхээ эдлэх, Ард түмний шүүх байгуулж авилгачдыг цээрлүүлэх талаар мэдээлэл хийнэ.
- "Татвар төлөгчдийн өдрүүд"-ээр "Эх оронч үзэл татвар төлөхөөс эхэлнэ" уриан дор тэмдэглэн өнгөрүүлэхээр болжээ. Үүний хэвлэлийн бага хурал Татварын ерөнхий газрын байранд 10.30 цагт мэдээлэл хийнэ.
Энэ өдөр дэлхийн түүхэнд:
- 1663 онд Лондоны төвд Хааны театр нээгдэв. Гэвч 10 жилийн дараа шатаж, суурин дээр нь одоогийн Друри-Лейн театрыг барьжээ.
- 1664 онд Францын эзэн хаан XIV Луй Версалийн ордоны барилгын ажлыг эхлүүлэв.
- 1742 онд Хатан хаан Елизаветагийн баяр ёслолын арга хэмжээнд орох москвачуудад зориулж Улаан хаалга байгуулсан байна.
- 1824 онд Австрийн Вена хотод Людвиг Ван Бетховен есдүгээр симфонио Пруссии Фридрих Вильгельм III хаанд зориулан эгшиглүүлэв. Түүний симфонийг Михаел Умлауф удирдсан байна.
- 1832 онд Лондоны тунхаг хэрэгжиж эхэлснээр Грек тусгаар тогтносон хаант улс болжээ.
- 1846 онд АНУ-ын хамгийн "хөгшин" долоо хоног тутмын сонин "Кембриж хроникл" сонин анх удаагаа хэвлэгджээ.
- 1906 онд Яруу найрагч Александр Блок «Үл таних эмэгтэй» шүлгээ бичсэн байна.
- 1940 онд Дэлхийн хоёрдугаар дайн: Британийн ард нийтийн танхим Ерөнхий сайд Невиль Чемберлинийг огцруулах эсэхийг хэлэлцэж эхлэв. Гурав хоногийн дараа Уинстон Черчиль Ерөнхий сайд болсон юм.
- 1946 онд Электрон барааны алдарт "Сони" компани Токио хотноо байгуулагджээ.
- 1976 онд Автомашины алдарт Хонда компани "Аккорд" загвараа үйлдвэрлэж эхэлжээ.
- 1997 онд “Intel” компани микропроцессор Pentium II-ыг албан ёсоор танилцууллаа.
- 1998 онд Автомашины алдарт Мерседес-Бенз компани Крайслер компанийг 40 сая ам.доллараар худалдан авав. Автомашины салбар дахь хамгийн том хэлцэл энэ болсон билээ.
