5 дугаар сарын 4-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 134 дахь өдөр бөгөөд он дуусахад 241 хоног үлдлээ.
- Цаг агаар өдөртөө 10 хэмийн дулаан бол шөнөдөө 6 градус дулаан байх нь ээ. Өдөртөө ялимгүй хур тунадас орох гэнэ.
- Билгийн тооллын 19, найман цагаан мэнгэтэй улаан бич өдөр. Өнөөдөр үсээ авахуулах буюу засуулбал сайн нөхөртэй нөхөрлөх гэнэ. Энэ өдөр хулгана, луу жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2404.00 төгрөгтэй тэнцэж байгаа бол бусад валют болох рубль 38.60, юань 379.00, вон 2.24 төгрөг байна.
Өнөөдөр болох онцлох үйл явдлууд:
- “BARILGA EXPO 2018” Орон сууц, ногоон барилгын үзэсгэлэнгийн нээлт 12.00 цагт Мишээл экспо төвд болно.
- 10.00 цагаас Дүнжингарав худалдааны төвийн Төрийн үйлчилгээний нэг цэгийн үйлчилгээн дээр Гэрэгэ киоскын нээлтийн үйл ажиллагаа болно.
- Үндсний бичиг үсгийн баяр-2018 нэгдсэн арга хэмжээний албан ёсны нээлтийн үйл ажиллагаа Үндэсний номын сангийн өмнөх талбайд 11.00 цагт болно.
- Нийслэлийн Ерөнхий боловсролын 14-н сургуулийн дунд эко орчин бүрдүүлэх, анги танхимын агаарын чанарыг сайжруулах, хүүхдүүдийг байгальд хайртай, хариуцлагатай, эерэг хандлагатай, иргэн болгон төлөвшүүлэх зорилготой цэцэг солилцох “Цэцгийн баяр - 2018” өдөрлөгийг 09.00 цагт Үндэсний цэцэрлэгт хүрээлэнд зохион байгуулна.
- Бүгд найрамдах намын онц их хурал Улаанбаатар Палас-д 11.00 цагаас болно.
Энэ өдөр дэлхийн түүхэнд:
- 1415 онд Жон Уайклифф, Ян Хус нарыг Констансын зөвлөлөөр хэлэлцэн шашны тэрс үзэлтэн гэж цолложээ.
- 1471 онд Сарнайн дайн: Английн хаан IV Эдуардын цэрэг Тьюкесбюригийн тулаанд Уэльсийн ханхүүг хороож, ялалт байгуулжээ.
- 1626 онд Голландын нэрт аялагч Петер Минуит Хойд Америкийн нэгэн шинэ газрыг нээн илрүүлж Шинэ Нидерланд хэмээн нэрийджээ. Энэ нь одоогийн АНУ-ын Нью-Йорк хотын Манхеттэн дүүрэг байсан юм.
- 1814 онд Францын цэргийн нэрт жанжин, эзэн хаан Наполеон Бонапартыг Элба арал руу цөлөхөөр Портоферрайо аралд авчрав.
- 1871 онд АНУ-ын Бейсболын спортын хамгийн анхны лиг Индиана мужийн Форт Вейн хотод эхэлжээ.
- 1886 онд АНУ-ын Чикаго хотод хөдөлмөрийн орчинг сайжруулах, цалин хангамж нэмэгдүүлэх цугласан олныг цагдаагийн газар хүч хэрэглэн тараасны улмаас найман хүн амиа алдаж, 60 гаруй хүн шархаджээ.
- 1904 онд Панамын сувгийн барилгын ажлыг АНУ эхлүүлэв.
- 1910 онд Канадын тэнгисийн цэргийн хүч байгуулагджээ.
- 1926 онд Их Британид цалин хөлс нэмэгдүүлэх, ажиллах нөхцөлийг сайжруулах зорилготой бүх нийтийн ажил хаялт эхлэв.
- 1942 онд Дэлхийн хоёрдугаар дайн - Сувдан эргийн тулаан эхлэв. АНУ-ын нисэх хүчин болон тэнгисийн цэргийн хүчин Соломоны арлууд улсын Тулаги аралд хяналтаа тогтоогоод байсан Японы цэргийн хүчний эсрэг тулалдахаар болсон юм.
- 1953 онд Америкийн нэрт зохиолч Эрнест Хемингуэй алдарт "Өвгөн тэнгис хоёр" зохиолоороо Пулитцерийн шагнал хүртжээ.
- 1959 онд Америкийн хөгжмийн урлагийн дээд шагнал "Гремми"-гийн шагнал гардуулах ёслолын ажиллагаа анх удаагаа зохион байгуулагдав.
