5 дугаар сарын 2-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 132 дахь өдөр бөгөөд он дуусахад 243 хоног үлдлээ.
- Цаг агаар өдөртөө 20 хэмийн дулаан бол шөнөдөө 1 градус дулаан байх нь ээ.
- Билгийн тооллын 18, нэг цагаан мэнгэтэй хөх морь өдөр. Өнөөдөр үсээ авахуулах буюу засуулбал өнгө зүс доройтох гэнэ. Энэ өдөр бар, нохой жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2406.00 төгрөгтэй тэнцэж байгаа бол бусад валют болох рубль 39.00, юань 380.80, вон 2.23 төгрөг байна.
Өнөөдөр болох онцлох үйл явдлууд:
- "Зууны мэдээ" сонины Үндэсний мэдээллийн төвд 11.00 цагаас Ард түмний шүүх байгуулж авлигачдыг шийтгэе цуглааныг "Монголын хүний төлөө" нам зохион байгуулах болсон талаар хэвлэлийн бага хурал зарлалаа.
- 10.00 цагаас НМХГ-ын байранд нийслэлийн мэргэжлийн хяналтын газрын улсын байцаагч нар, тус газрын дэд дарга С.Даваасүрэн нартай холбоотой асуудлаар мэдээлэл хийнэ.
- 11.00 цагаас Үндэсний бичиг үсгийн баяр-2018 арга хэмжээний хүрээнд судлаач Н.Отгонбаатарын хувийн цуглуулгад байдаг бичиг үсгийн соёл, дурсгалтай холбогдолтой эд өлгийн зүйлээр "Монгол ном бичгийн эрдэнэс" сэдэвт үзэсгэлэн Монгол Төрийн түүхийн музейд нээлтээ хийнэ.
- Пума зочид буудлын хоёр давхарт 11.00 цагаас Бөхийн холбооны Р.Нямдорж, Данзан болон улсын заан Мягмар нар хэвлэлийн хурал хийнэ.
- Олон улсын сувилагчдын өдрийг угтан “Сувилагчдаа сонсоё” хэлэлцүүлгийг УИХ дахь эмэгтэй гишүүдийг бүлгээс санаачлан 12.30 цагт Төрийн ордны Д.Сүхбаатар танхимд зохион байгуулна.
Энэ өдөр дэлхийн түүхэнд:
- 1536 онд Английн хатан хаан Анна Болейныг гэр бүлээс гадуур харилцаатай, эх орноосоо урван тэрсэлж, хар шид ашигласан гэх үндэслэлээр баривчлан хорив.
- 1611 онд Английн нийслэл Лондон хотод хаан Жеймсийн санаачилгаар Библи судрыг анх удаагаа англи хэлээр хэвлэв.
- 1812 онд Мексикийн тусгаар тогтнолын дайн: Хосе Мариа Морлелос и Павоноор удирдуулсан Мексикийн босогчид Куаутла хотыг орхин зугтав. Уг хотыг Феликс Мариа Каллехагаар удирдуулсан Испанийн цэргүүд 72 өдрийн турш бүсэлсэн юм.
- 1829 онд Английн тэнгисийн цэргийн ахмад Чарльз Фремантл "Челленжер" хөлгийн зангууг Австралийн эрэгт хаясанаар "Хунт нуурын колонийг" байгуулжээ.
- 1876 онд Болгарт дэгдсэн "Дөрөвдүгээр сарын бослого" дарагдав.
- 1918 онд Америкийн автомашины алдарт "Женерал Моторс" компани "Шевроле Моторс" компанийг эгнээндээ нэгтгэжээ.
- 1933 онд Нацистийн Германы удирдагч Адольф Гитлер үйлдвэрчний эвлэлийн бүх байгууллагыг хориглов.
- 1952 онд Дэлхийн хамгийн анхны тийрэлтэт хөдөлгүүрт агаарын тээврийн "Де Хаввиланд Комет 1" хөлөг Их Британийн Лондонгоос Өмнөд Африкийн Йоханнесбургыг чиглэн нисчээ.
- 1986 онд Чернобилийн осол: Цөмийн цахилгаан станцын ослоос хойш зургаан хоногийн дараа Припят хотын бүх хүнийг нүүлгэн шилжүүлжээ.
- 1998 онд Европын холбооны зөвлөлийн шийдвэрээр Европын төв банкыг байгуулжээ. Тус банк нь Европын холбооны гишүүн орнуудын мөнгөний бодлогыг тодорхойлох чиг үүрэг бүхий банк юм.
- 2000 онд АНУ-ын Ерөнхийлөгч Билл Клинтон АНУ-ын Армийн хэрэгцээнд байршил тогтоох "GPS" төхөөрөмжийг ашиглахыг зөвшөөрөв.
- 2008 онд Мьянмарт дэгдсэн Наргис хар салхины улмаас хөрсний нуралт болж 138 мянган хүн амиа алдаж, хэдэн сая хүн орох оронгүй болжээ.
