5 дугаар сарын 1-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 131 дахь өдөр бөгөөд он дуусахад 244 хоног үлдлээ.
- Цаг агаар өдөртөө 14 хэмийн дулаан бол шөнөдөө -2 градус хүйтэн байх нь ээ.
- Билгийн тооллын 17, хоёр хар мэнгэтэй харагчин могой өдөр. Өнөөдөр үсээ авахуулах буюу засуулбал өвчин ирэх гэнэ. Энэ өдөр үхэр жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2407.00 төгрөгтэй тэнцэж байгаа бол бусад валют болох рубль 39.30, юань 381.00, вон 2.24 төгрөг байна.
Өнөөдөр болох онцлох үйл явдлууд:
- Үндэсний бичиг үсгийн баяр-2018 цуврал арга хэмжээ Уран зургийн галерейд нээлтээ хийнэ.
- Хүүхэддээ хайртай хүн бүрт зориулсан хүүхдийг зам тээврийн осол, гэмтлээс урьдчилан сэргийлэх аяны талаар 11.30 минутаас Замын цагдаагийн албаны төв байранд мэдээлэл хийнэ.
- 13.00 цагаас Багшийн хөгжлийн ордонд Оюутны хөгжлийн зээлийг өнөөдрөөс эхлэн хүүгүй, барьцаагүй буюу шинэ журмаар олгож эхэлж буйтай холбогдуулан нээлтийн ёслол, мэдээлэл хийх албан ёсны арга хэмжээ болно.
- 11.00 цагт "ЯЛЛАГЧ" уран сайхны киноны албан ёсны хэвлэлийн бага хурал Шангри-Ла зочид буудлын хэвлэлийн бага хурлын танхимд болно.
- MN-Мэдээллийн төвд 11.00 цагаас Эрдэм шинжилгээ, судалгааны ажлаараа дотооддоо төдийгүй олон улсад манлайлж буй шилдэг эрдэмтэн судлаачдад жил бүр “ОНОМ” сангийн нэрэмжит “Шинжлэх ухааны шагнал” олгох талаар тус сангаас мэдээлэл хийнэ.
Энэ өдөр дэлхийн түүхэнд:
- 1328 онд Шотландын тусгаар тогтнолын дайн: Эдинбург-Нордхемптоны хэлэлцээрээр Английн хаант улс Шотландын хаант улсыг тусгаар улс болохыг хүлээн зөвшөөрөв.
- 1707 онд Нэгдэлийн хуулийн дагуу Англи болон Шотландын хаант улс Их Британийн хаант улсын захиргаанд шилжив.
- 1753 онд Цэцэрлэгжүүлэх олон улсын зөвлөлийн ээлжит хурлаар олон улсад тарьмал болон зэрлэг ургамлыг төрөл зүйлийнх нь дагуу ангилан ялгах шийд гаргажээ.
- 1759 онд Дорнын шавар эдлэлийн технологийг туршилтаар олж нээсэн Жосиая Уеджвүүд шаазан ваарны үйлдвэрээ байгуулжээ.
- 1786 онд Австрийн Венна хотод суут хөгжмийн зохиолч Вольфганг Амадей Моцартын "Фигарогийн хурим" дуурийг анх удаа тайзнаа тавив.
- 1840 онд Дэлхийн хамгийн анхны шуудангийн маркыг Их Британид ашиглажээ.
- 1851 онд Их Британийн хатан хаан Викториа нийслэл Лондон хотын алдарт "Болор шилтгээн"-нд Дэлхийн үзэсгэлэн яармагыг албан ёсоор нээжээ.
- 1875 онд Английн Лондон хотод байх Александрын ордон хоёр жилийн дараа эргэн үүдээ нээв. Тус ордон 1873 онд бүрэн шатаад байсан юм.
- 1884 онд АНУ-ын Конгрессын шийдвэрээр АНУ ажлын найман цагт шилжив.
- 1915 онд Алдарт Луситаниа хөлөг сүүлийн удаа аялалдаа гарав. Умард Атлантын тэнгисийг хөндлөн туулж Ирланд руу хүрэх байсан тус хөлөг аялалынхаа яг дунд Германы талын харвасан пуужинд өртөн сүйрсэн билээ. Уг ослын улмаас 1,198 хүн амиа алдсан юм.
- 1931 онд Нью-Йорк хотын бэлгэ тэмдэгээр "Empire State Building" тодров.
- 1946 онд Парисын энхийн хэлэлцээрээр Италийн мэдэлд байсан Добеканесе арлыг Грекын эзэмшилд шилжүүлжээ.
