Өнөөдрийн тухай таны мэдэх ёстой 18 зүйл: С.Баярт долдугаар сарын 1-ний асуудлаар хэрэг үүсгэх талаар мэдээлнэ

4 дүгээр сарын 30-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 130 дахь өдөр бөгөөд он дуусахад 245 хоног үлдлээ.
2. Цаг агаар өдөртөө 11 хэмийн дулаан бол шөнөдөө -2 градус хүйтэн байх нь ээ.
3. Билгийн тооллын 16, гурван хөх мэнгэтэй хар луу өдөр. Өнөөдөр үсээ авахуулах буюу засуулбал өвчин ирэх гэнэ. Энэ өдөр хулгана, бич жилтнээ аливаа үйлийг хийхэд эерэг сайн, бар туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2406.00 төгрөгтэй тэнцэж байгаа бол бусад валют болох рубль 39.20, юань 380.00, вон 2.24 төгрөг байна.

Өнөөдөр болох онцлох үйл явдлууд:

1. 08.59 цагт сар тэргэл болно.
2. МҮЭ-ийн холбоо, Гэр бүл хүүхэд залуучуудын хөгжлийн газар, Хөдөлмөр халамж үйлчилгээний ерөнхий газар хамтран 09.00 цагаас Залуучуудын хөдөлмөрийг дэмжих арга хэмжээг “Альфа” зочид буудалд зохион байгуулна.
3. "Зууны мэдээ" сонины Үндэсний мэдээллийн төвд 11.30 цагаас С.Баярт 2008.7.1-ний асуудлаар хэрэг үүсгэх талаар "Хохирогчдын эрх ашгийг хамгаалах шударга төв", 7.1-ний хохирогчид болон ар гэрийхнээс нь хэвлэлийн бага хурал зарлалаа.

Энэ өдөр дэлхийн түүхэнд:

1. 1492 онд Испанийн эзэн хаан Кристофер Колумб болон түүний багийнханд аялах зөвшөөрөл олгожээ.
2. 1598 онд Британийн колони гэгдэх Америкийн Шинэ Мексико мужийн захирагч Хуан де Ониате өөрийн мужийг тусгаар улс гэдгийг зарлан тунхаглав.
3. 1789 онд АНУ-ын Нью-Йорк хотын Уолл Стрийт гудамжны "Холбооны танхим"-д Жорж Вашингтон тангараг өргөж АНУ-ын анхны Ерөнхийлөгч болжээ.
4. 1803 онд АНУ-ын засаг захиргаа Луйзана мужийн нутаг дэвсгэрийг Францаас 15 сая ам.доллараар худалдан авав.
5. 1885 онд АНУ-ын Нью-Йорк хотын захирагч Девид Б.Хилл Ниагара хүрхрээ орчмыг дархан цаазтай болгож үндэсний цэцэрлэгт хүрээлэн, цогцолборт газар болгох тогтоолд гарын үсэг зурав.
6. 1897 онд алдарт Кавендишийн лабораторийн эрдэмтэн Ж.Ж.Томпсон нэгж атомыг хувааж улмаар электроныг нээв. Нэг элекстрон нь протоноос 1,800 дахин жижиг байжээ.
7. 1900 онд Хавай муж АНУ-ын засаг захиргаанд нэгдэв. Анхны амбан захирагчаар Сенфорд Б.Долыг томилжээ.
8. 1938 онд алдарт Bugs Bunny цувралын анхны анги "Porky's Hare Hunt" нэртэйгээр үзэгчдийн хүртээл болжээ.
9. 1961 онд ЗХУ-ын цөмийн зэвсэгтэй анхны шумбагч онгоц "К-19"-ыг зэвсэглэлд ашиглаж эхэлжээ.
10. 1993 онд Европын цөмийн судалгааны байгууллага дэлхийг хэрсэн сүлжээ буюу интернетийг аюулгүй гэж үзэв.
11. 1997 онд "Эллен" шоуны хөтлөгч Эллен ДеЖенерес өөрийгөө ижил хүйстэн гэж шууд нэвтрүүлгийнхээ үеэр зарлалаа. Энэ нь Америкийн ТВ-ийн салбарын түүхэнд анхны тохиолдол болсон юм.