Өнөөдрийн тухай таны мэдэх ёстой 21 зүйл: Улаанбаатарт 25 градусын дулаан байна

4 дүгээр сарын 27-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 117 дахь өдөр бөгөөд он дуусахад 248 хоног үлдлээ.
2. Цаг агаар өдөртөө 25 хэмийн дулаан бол шөнөдөө 9 градус дулаан байх нь ээ.
3. Билгийн тооллын 12, зургаан цагаан мэнгэтэй шарагчин үхэр өдөр. Өнөөдөр үсээ авахуулах буюу засуулбал өвчин эмгэг ирэх гэнэ. Энэ өдөр тахиа, могой жилтнээ аливаа үйлийг хийхэд эерэг сайн, бар туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2405.00 төгрөгтэй тэнцэж байгаа бол бусад валют болох рубль 39.80, юань 381.00, вон 2.23 төгрөг байна.

Өнөөдөр болох онцлох үйл явдлууд:

1. MN-Мэдээллийн төвд 11.00 цагаас Гэр бүл, хүүхэд залуучуудын газар, Цагдаагийн ерөнхий газраас “Хүүхдийг эерэг аргаар хүмүүжүүлье” үндэсний аяны талаар мэдээлэл хийнэ.
2. MN-Мэдээллийн төвд 11.30 цагаас “Д аминдэмийн туршилт хийгээд байна” гэсэн ташаа мэдээлэлд албан ёсны хариу тайлбар хийхээр “Сургуулийн насны хүүхдүүдийг сүрьеэ өвчнөөс урьдчилан сэргийлэхэд Д аминдэмийн нөлөө” судалгааны хэрэгжүүлэгч, Харвардын эрдэм шинжилгээ судалгааны нэгж MHI байгууллагаас хэвлэлийн бага хурал зарлалаа.
3. ХӨВСГӨЛ LAKE 2 давхарт 10.00 цагаас Ардчилсан Залуучуудын Холбооноос зохион байгуулж буй “Бодлого-Зарчим Форум”-ын анхны хэлэлцүүлэг “ҮНДСЭН ХУУЛИЙН ШИНЭЧЛЭЛ” сэдвийн хүрээнд хэлэлцэгдэх гэж байна.
4. 13.30-16.00 цагийн хооронд ХЗҮХ-ийн 3 давхарт "Иргэний оролцооны эрх зүйн зохицуулалтын хэрэгжилтэд хийсэн судалгааны танилцуулга, хэлэлцүүлэг болно.
5. 08.40-12.00 цагт Дээд боловсролын чанарын шинэчлэлийн хүрээнд багшийн хөгжлийн бодлого, хөтөлбөр, түүнийг хэрэгжүүлж буй туршлага, хамтын ажиллагааны талаар санал солилцох "Дээд боловсрол-Багшийн хөгжил" сэдэвт хэлэлцүүлэг болно.
6. "BARILGA EXPO 2018" олон улсын үзэсгэлэн яармагийн нээлт 12.00 цагт Мишээл экспогийн үзэсгэлэнгийн танхимд болно.

Энэ өдөр дэлхийн түүхэнд:

1. 1521 онд Португалийн домогт аялагч Фердинанд Магеллан одоогийн Филиппиний нутагт хүрсэн ч нутгийн уугуул иргэдэд алуулжээ.
2. 1539 онд Испанийн аялагч Николаус Федерманн, Себастиан де Белалказар нар Шинэ Гранада (одоогийн Колумби)-д Богота хотыг дахин байгуулжээ.
3. 1865 онд АНУ-ын Нью-Йорк хотын сенат Корнеллийн их сургуулийг байгуулах шийд гаргав.
4. 1906 онд ОХУ-ын хууль тогтоох дээд байгууллага "Төрийн Дума" анхны хуралдаанаа хийжээ.
5. 1960 онд Того улс НҮБ-ын дэмжлэгтэйгээр Францаас тусгаар тогтножээ.
6. 1961 онд Африкийн Сьерра-Леон улс Их Британиас тусгаар тогтнож, Милтон Маргай анхны ерөнхий сайдаар томилогдов.
7. 1967 онд Канадын Монтриал хотод дэлхийн үзэсгэлэн, яармаг нээлтээ хийв. Дэлхий даяар нээлтийн ажиллагааг шууд дамжуулж, дараа өдрөөс олон нийтэд нээлттэй болжээ.
8. 1978 онд АНУ-ын Ерөнхийлөгч асан Ричард Никсоны туслах Жон Д.Эрлихман Аризона мужийн шоронд 18 сар хоригдсоны эцэст суллагджээ. Түүнийг Уотергейтын хэрэгт буруутган шоронд хорисон юм.
9. 1981 онд Xerox PARC компани компьютерийн маусыг үйлдвэрээс гаргажээ.
10. 1989 онд БНХАУ-ын нийслэл Бээжин хотын Тиананьмений талбайд оюутнууд эсэргүүцлийн жагсаал зохион байгуулав.
11. 1993 онд 1994 онд болох хөлбөмбөгийн ДАШТ-нд оролцох эрхийн төлөөх тоглолтод оролцохоор нисч явсан Замби улсын хөлбөмбөгийн шигшээ багийн онгоц осолдож, хөлгийн багийн бүх хүн амиа алдав. Уг осол Габоны Либревиль хотод болсон билээ.