4 дүгээр сарын 24-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 114 дахь өдөр бөгөөд он дуусахад 251 хоног үлдлээ.
- Цаг агаар өдөртөө 21 хэмийн дулаан бол шөнөдөө 3 градус дулаан байх нь ээ.
- Билгийн тооллын 9, есөн улаан мэнгэтэй улаан нохой өдөр. Өнөөдөр үсээ авахуулах буюу засуулбал өвчин өчүүхэн ирэх гэнэ. Энэ өдөр бар, морь жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2398.00 төгрөгтэй тэнцэж байгаа бол бусад валют болох рубль 39.60, юань 382.00, вон 2.23 төгрөг байна.
Өнөөдөр болох онцлох үйл явдлууд:
- 12.00 цагаас УИХ дэлгүүрийн баруун талд Пийс тауэр-ийн 12 давхар 1207 тоотод, Улс төр менежментийн академийн байранд иргэний нийгмийн байгууллагууд хамтран "ИХ ЦААЗ"-ын төсөл боловсруулж дууссан талаар хэвлэлийн бага хурал хийнэ.
- "Чулуун шаштир" ТББ-аас зохион байгуулж буй найруулагч Б.Баярын “Монголын сая өдөр” гэрэл зургийн үзэсгэлэнгийн нээлт 12.00 цагт Монголын Уран Зургийн Галерейн 3 давхарт болно.
- УИХ-ын гишүүн, АН-ын дарга С.Эрдэнэ "Мөнгө хүүлэлттэй тэмцэх болон Зээлийн хүүгийн хувийн дээд хэмжээг тогтоох тухай хуулийн төсөл"-өө 11.00 цагаас УИХ-ын даргад өргөн барихаар боллоо.
- 12.00 цагаас MN-Мэдээллийн төвд “Морин уралдааны уламжлал, шинэчлэл хөдөлгөөн”-өөс Үндэсний баяр наадмын тухай хуульд нэмэлт өөрчлөлт оруулах, улсын баяр наадмаар монгол морьдыг уралдуулах болон морин уралдааны сонгомол төрлүүдийг хөгжүүлэх асуудлаар мэдээлэл хийнэ.
- 11.40 цагаас Улаанбаатар хотын түрээсийн дугуйн “UBIKE” төслийн гэрээнд Улаанбаатар хотын захирагч С.Батболд, “Никел Ганбаа” ХХК гарын үсэг зурна.
Энэ өдөр дэлхийн түүхэнд:
- 1558 онд Шотландын хатан хаан Мери, Францын хунтайж Франсуатай Парисийн эх дагинын сүмд хуримлажээ.
- 1704 онд Британийн эзэмшлийн Америкийн нутаг дэвсгэрт анхны хэвийн үйл ажиллагаатай "Boston News-Letter" сонин хэвлэгдэв.
- 1800 онд АНУ-ын Ерөнхийлөгч Жон Адамсын санаачилгаар АНУ-ын Конгрессын номын сан байгуулагдав. Тэрбээр хувийн зүгээсээ 5,000 ам.долларын хандив өргөжээ.
- 1895 онд АНУ-ын Массачусетс мужийн Бостон хотоос дэлхийг ганцаараа завиар туулахаар Жошуа Слокум аялалаа эхлүүлжээ.
- 1913 онд АНУ-ын Нью-Йорк хотод дэлхийн хамгийн анхны өндөр барилга гэгдэх Вүүлуортын барилга нээлтээ хийв.
- 1914 онд Германы физикийн хүрээлэн квантын механикийн тулгуур онол гэгдэх Франк-Герцийн онолыг олон нийтэд танилцуулжээ.
- 1922 онд Дэлхийн түүхэнд анх удаа утасгүй цахилгаан мэдээний сүлжээг нээв. Эзэн хааны дэргэдэх утасгүй холбооны сүлжээнээс Английн Оксфордшайр хотын Лиафильд дүүргийг Египетийн Кайр хоттой холбосон цахилгаан мэдээ дамжуулсан юм.
- 1923 онд Суут сэтгэл зүйч Зигмунд Фройд Вьенна хотод "Эго ба Ид" өгүүллэгийг хэвлэл. Уг өгүүлэлд хүний сэтгэл зүйг ид, эго, супер-эго гэсэн гурван зүйлд хуваажээ.
- 1970 онд Гамби улс Их Британиас тусгаар тогтнож, анхны Ерөнхийлөгчөөр Давда Жавара сонгогдов.
- 1980 онд Ираны засаг захиргаа АНУ-ын ЭСЯ-ны ажилчдыг барьцаалсан үйл явдлыг дуусгах "Бүргэдийн савар" ажиллагаа бүтэлгүйтэж, ажиллагаанд оролцсон найман ажилтан амиа алджээ.
- 1990 онд Сибирийн яр өвчний улмаас 48 жилийн турш хорио цээр тогтоогоод байсан Шотландын Груйнард арал үүд хаалгаа нээв.
