4 дүгээр сарын 5-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 94 дахь өдөр бөгөөд он дуусахад 271 хоног үлдлээ.
- Цаг агаар өдөртөө -6 хэмийн хүйтэн бол шөнөдөө -10 градус хүйтэн байх нь ээ. Мөн өдөртөө ялимгүй цас орох гэнэ.
- Билгийн тооллын 20, нэг цагаан мэнгэтэй улаагчин туулай өдөр. Өнөөдөр үсээ авахуулах буюу засуулбал өлсөж ундаасах гэнэ. Энэ өдөр гахай жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2392.00 төгрөгтэй тэнцэж байгаа бол бусад валют болох рубль 42.00, юань 380.60, вон 2.22 төгрөг байна.
Өнөөдөр болох онцлох үйл явдлууд:
- 15.00 цагаас Швейцарийн холбооны улсын Гадаад харилцааны сайд Монгол Улсад хийх албан айлчлалынхаа хүрээнд нийслэлийн 127 дугаар цэцэрлэгийн үйл ажиллагаатай танилцана.
- 13.00-18.00 цагт Пума Империал Зочид буудалд генетик нөөцийн талаар хэлэлцэнэ.
- 09.00 цагаас НЗДТГ, Хэвлэлийн хүрээлэнтэй хамтран нийслэлийн нутгийн захиргааны байгууллагуудын хэвлэл мэдээлэл хариуцсан мэргэжилтэн, ажилтнуудад зориулсан “Нээлттэй нийслэл-Нэг цогц мэдээлэл” сэдэвт сургалт зохион байгуулна.
- 11.00 цагт МОНЦАМЭ агентлагийн Мэдээллийн төвд Улсын их дэлгүүрээс Цирк хүртэлх өргөн чөлөөний орон сууцны дунд цонх болон галын гарц таглан барилга барих зэрэг хууль бус захирамж, захиргааны актууд гаргуулж буй газрын наймаачид, албан тушаалтнуудын үйлдлийг илчлэх, таслан зогсоох талаар “Нийслэлийн уугуул иргэдийн нийгэмлэг”, “Улаанбаатар форум” ТББ болон “Монголын архитектуруудын эвлэл”-ээс мэдээлэл хийнэ.
- УИХ-ыг тараах жагсаалыг 30 гаруй хөдөлгөөн нэгдэж зохион байгуулна.
Энэ өдөр дэлхийн түүхэнд:
- 1566 онд Голландын 200 язгууртан Хендрик ван Бредеродын удирдлаганд нэгтэж одоогийн Испанийн Парма хот руу довтлов.
- 1614 онд уугуул Америк үндэстэн Покахонтас одоогийн Виржиниа мужид Английн эзлэн түрэмгийлэгч Жон Рольфтой гэрлэв.
- 1710 онд Их Британид Аннагийн тунхаг батлагдаж улмаар зохиогчийн эрхийн хууль хэрэгжиж эхэлжээ.
- 1722 онд Голландын аялагч Якож Роггевийн Чилийн "Улаан өндөгний арал" буюу Пасхи арлыг илрүүлэв.
- 1795 онд Базелийн энхийн гэрээнд сөргөлдөгч талууд гарын үсэг зурснаар Франц Пруссийн хооронд энхтайван тогтов.
- 1818 онд Хосе де Сан Мартин, Бернардо О'Хиггинс нарын удирдлаганд нэгдсэн Чилийн тусгаар тогтнолын хөдөлгөөн Испанийн эсрэг тулаанд ялалт байгуулав. Тулаанд Испанийн 2,000, Чилийн 1,000 цэрэг амиа алджээ.
- 1915 онд Кубын нийслэл Гавана хотод болсон мэргэжлийн боксын хүнд жингийн дэлхийн аваргын тоглолт Жесс Уиллард, Жек Жонсон нарын хооронд болж Ж.Уиллард итгэмээргүй ялалт байгуулж дэлхийн аварга болжээ.
- 1976 онд БНХАУ-ын нийслэл Бээжин хотын Тиананьмений талбайд олон нийтийг хамарсан жагсаал болжээ.
- 1998 онд Аважи арлыг Кобе хоттой холбосон Акаши Кайкио гүүр ашиглалтад оржээ. Ингэснээр дэлхийн хамгийн урт гүүр болсон юм.
- 2009 онд Хойд Солонгосын удирдагч "Кванмёнсон-2" хиймэл дагуулыг хөөргөсөн нь олон улсын төвшинд маргаан дагуулав. Японы талаас үүнийг эх орныг нь тагнах, мэдээлэл цуглуулах зорилготой гэж үзсэн тул НҮБ-ын Аюулгүйн зөвлөл зургаан талт яриа хэлэлцээрийг эхлүүлжээ.
