Өнөөдрийн тухай таны мэдэх ёстой 22 зүйл: “Дээд боловсролын тогтолцоо-Тогтвортой хөгжил” сэдвээр мэдээлэл хийнэ

4 дүгээр сарын 3-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 92 дахь өдөр бөгөөд он дуусахад 273 хоног үлдлээ.
2. Цаг агаар өдөртөө 1 хэмийн дулаан бол шөнөдөө -12 градус хүйтэн байх нь ээ. 
3. Билгийн тооллын 18, гурван хөх мэнгэтэй хөхөгчин үхэр өдөр. Өнөөдөр үсээ авахуулах буюу засуулбал эд малын гарлагатай гэнэ. Энэ өдөр могой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2394.00 төгрөгтэй тэнцэж байгаа бол бусад валют болох рубль 42.10, юань 382.00, вон 2.24 төгрөг байна.

Өнөөдөр болох онцлох үйл явдлууд: 

1. MN-Мэдээллийн төвд 11.30 цагаас Боловсрол, шинжлэх ухааны ҮЭХ-ноос “Дээд боловсролын тогтолцоо-Тогтвортой хөгжил” сэдвээр хэвлэлийн бага хурал зарлалаа.
2. ГХЯ 1 давхарт 11.30 цагаас Увугвай улсын гадаад хэргийн дэд сайд Гадаад Харилцааны сайд Д.Цогтбаатартай хамтын ажиллагааны гарын үсэг зурна. 
3. Хэвлэлийн хүрээлэнд 15.00 цагаас "Жендэрийн мэдрэмжтэй сэтгүүл зүйд миний оролцоо" шилдэг бүтээлийн оролцогчдод мэдээлэл өгнө.
4. ШУТИС-ийн номын санд 11.00 цагт Багшийн хөгжлийг дэмжих жилийн хүрээнд их дээд сургуулийн багш нарын сургалтын хөтөлбөр, арга зүйг сайжруулах цуврал сургалт болно.

Энэ өдөр дэлхийн түүхэнд:  

1. 1043 онд Английн хаан ширээнд "Үнэн" Эдуард суув.
2. 1834 онд Грекын тусгаар тогтнолын төлөөх дайнд оролцсон генералуудыг шүүх ажиллагаа эхлэв.
3. 1885 онд Германы зохион бүтээгч, инженер Готтлеб Даймлер өөрийн бүтээсэн хөдөлгүүртээ зохиогчийн эрх авав.
4. 1888 онд Английн Лондон хотын зүүн захын Уайтчапел хотод эзэн холбогдогчийг нь хэзээ ч тогтоож чадаагүй 11 цогцос олджээ.
5. 1895 онд Алдарт зохиолч Оскар Уайлдыг ижил хүйстэнтэйгээ явалдсан гэх үндэслэлээр шоронд хорив.
6. 1922 онд ЗХУ-ын Коммунист намын анхны ерөнхий нарийн бичгийн даргаар Йозеф Сталин тодорчээ.
7. 1933 онд Эверест буюу Жомолунгма хайрханыг судлахаар Британийн анхны экспедиц Төвдийг зорив.
8. 1948 онд Өмнөд Солонгосын Жежү мужид хүний эрх, эрх чөлөөний төлөө тэмцсэн Жежүгийн бослого дэгдэв.
9. 1973 онд Моторола компанийн ажилтан Мартин Күүпер зохион бүтээсэн анхны гар утсаараа Беллийн Лабораторийн эрдэмтэн Жоел С.Энгел рүү дуудлага хийв. Энэ нь гар утасаар хийсэн анхны дуудлага байсан юм.
10. 1981 онд АНУ-ын Сан Франциско хотод зохиогдсон "Баруун эргийн компьютерийн үзэсгэлэнд" дэлхийн хамгийн анхны суурин компьютер болох "Осборн 1"-ийг танилцуулжээ.
11. 1997 онд Алжирийн босогчид Талит тосгоны 53 оршин суугчийг хэрцгийгээр хороожээ.
12. 2000 онд Компьютерийн алдарт "Майкрософт" компанийг АНУ-ын итгэлцлийн хуулийг зөрчин өрсөлдөгчөө зах зээлээс шахан гаргах замаар монопольдсон гэж үзэн, шүүхэд өгчээ.