4 дүгээр сарын 2-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 92 дахь өдөр бөгөөд он дуусахад 273 хоног үлдлээ.
- Цаг агаар өдөртөө -2 хэмийн хүйтэн бол шөнөдөө -2 градус хүйтэн байх нь ээ.
- Билгийн тооллын 17, дөрвөн ногоон мэнгэтэй хөх хулгана өдөр. Өнөөдөр үсээ авахуулах буюу засуулбал өнгө зүс доройтох гэнэ. Энэ өдөр луу, бич жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2394.00 төгрөгтэй тэнцэж байгаа бол бусад валют болох рубль 42.20, юань 382.20, вон 2.24 төгрөг байна.
Өнөөдөр болох онцлох үйл явдлууд:
- MN-Мэдээллийн төвд 11.00 цагаас “Mongolia Mining 2018” олон улсын уул уурхайн үзэсгэлэнгийн талаарх мэдээллийг сонирхоорой. Найм дахь удаагаа зохион байгуулагдаж буй уг арга хэмжээ энэ сарын сарын 4-6-ны өдрүүдэд Буянт-Ухаа спортын ордонд болно.
- Дэлхийн аутизмыг таниулах өдрийг тохиолдуулан 11.00-13.00 цагийн хооронд өдөрлөг болно.
- 09.00 цагаас МУИС дээр Олон улсын Web of Science-өгөгдлийн санд бүртгэлтэй JCR индекстэй мэргэжлийн сэтгүүлд хэвлүүлэх Монгол эрдэмтэн судлаачдын эрдэм шинжилгээний бүтээлийн тоо, чанарыг нэмэгдүүлэх улмаар олон улсад өрсөлдөх чадвар бүхий үндэсний судлаачдыг бэлтгэх, чадавхижуулах гэрээг үзэглэнэ.
- "Зууны мэдээ" сонины Үндэсний мэдээллийн төвд 11.00 цагаас Иргэний нийгмийн төлөөлөл, ТББ-ууд, иргэдийн нэгдэл болох "Улсаа аврах ард түмний үндэсний хөдөлгөөн"-өөс МУ-ын ерөнхийлөгч, УИХ-ын дарга нарт УИХ-ыг тарааж түр ЗГ байгуулах үндэслэлийг танилцуулах уриалга, шаардлага хүргүүлэх талаар хэвлэлийн бага хурал зарлалаа.
Энэ өдөр дэлхийн түүхэнд:
- 1513 онд Испанийн аялагч Хуан Понче де Леон Хойд Америкийн нутагт хүрсэн нь одоогийн АНУ-ын Флорида муж байсан юм.
- 1755 онд Английн адмирал Уиллиам Жеймс Энэтхэгийн баруун эргийн Марата мужийг эзлэжээ.
- 1800 онд суут хөгжмийн зохиолч Людвиг ван Бийтховен Вьенна хотод анхны симфонио үзэгчдэд хүргэв.
- 1900 онд АНУ-ын Конгресс хэлэлцээд Пуерто-Риког хязгаарлагдмал эрхтэйгээр автономит муж болгожээ.
- 1902 онд бүтэн цагаар ажилладаг анхны кино театр АНУ-ын Лос Анжелес хотод нээгджээ.
- 1911 онд Австралийн үндэсний статистикийн хороо үндэсний хэмжээнд хүн амын тооллогыг анх удаа зохион байгуулав.
- 1912 онд Титаник хөлөг онгоцыг анх удаа тэнгист тавьж туршилтийн аялал үйлджээ.
- 192 онд одоогийн Иран улсын үндэс суурийг тавьсан Хорасаны өөртөө засах улс албан ёсоор байгуулагджээ.
- 1956 онд өдрийн цагаар үзэгчдэд хүрдэг анхны савангийн дууриуд болох "As the World Turns", "The Edge of Night" кинонууд цацагдаж эхэлжээ. Дээрх кинонууд тус бүрдээ 30 минутын хугацаанд гардаг байв.
- 1972 онд алдарт жүжигчин Чарли Чаплиныг 1950-иад оноос эхлэн коммнунист үзэл суртал бүхий "Улаан айдас" бүлэглэлд элссэн болохыг олж тогтоожээ.
- 1973 онд Дэлхийд анх удаа компьютер дээр суурилсан хуулийн хайлтын "ЛексисНексис" үйлчилгээ хэрэглэгчдэд хүрэв.
- 1979 онд ЗХУ-ын биологийн судалгааны хүрээлэн санаандгүй байдлаар антраксын хорт хийг алдсаны улмаас 66 гаруй амьтан, ургамлын системийг устгажээ.
