Өнөөдрийн тухай таны мэдэх ёстой 21 зүйл: 60 сая төгрөгийн шагналын сантай “Камержуулалт-2” болзолт уралдааны талаар мэдээлнэ

3 дугаар сарын 30-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 89 дахь өдөр бөгөөд он дуусахад 276 хоног үлдлээ.
2. Цаг агаар өдөртөө 9 хэмийн дулаан бол шөнөдөө 1 градус дулаан байх нь ээ. 
3. Билгийн тооллын 14, долоон улаан мэнгэтэй цагаагчин тахиа өдөр. Өнөөдөр үсээ авахуулах буюу засуулбал эд мал арвижих гэнэ. Энэ өдөр үхэр, могой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2395.00 төгрөгтэй тэнцэж байгаа бол бусад валют болох рубль 42.30, юань 382.00, вон 2.23 төгрөг байна.

Өнөөдөр болох онцлох үйл явдлууд: 

1. MN-Мэдээллийн төвд 11.30 цагаас УБТЗ ХНН-ийн удирдлагын үйл ажиллагааны талаар төмөр замчид байр сууриа илэрхийлэхээр хэвлэлийн бага хурал зарлалаа.
2. MN-Мэдээллийн төвд 14.00 цагаас ЭХЭМҮТ, УГТЭ болон "Самсунг" эрүүл мэндийн төвийн хамтран хэрэгжүүлж буй "Зүрхнээс зүрхэнд" төслийн талаарх мэдээллийг сонирхоорой.
3. “Улаанбаатар цахилгаан түгээх сүлжээ” ТӨХК-ийн байранд 09.30 цагаас “Эрчим хүчний зохицуулах хороо”-оос салбарын өр авлага, ашиг алдагдал, нийт үйлдвэрлэсэн цахилгаан дулааны хэмжээ, аюулгүй найдвартай байдал, татвар шимтгэл зэргийг нэгтгэн танилцуулна. 
4. 10.00 цагт Нийслэлийн цагдаагийн газрын 3 давхарт 60 сая төгрөгийн шагналын сантай “Камержуулалт-2” болзолт уралдааны талаар хэвлэлийн бага хурал зарлалаа.
5. МҮХАҮТ-ын үзэсгэлэнгийн танхимд 12.00 цагаас “Зочлох үйлчилгээний мэргэжлийн аврага шалгаруулах тэмцээн, “HORECA EXPO- 2018” зочид буудал, зоогийн газрын хангамжийн үзэсгэлэнгийн нээлт болно.

Энэ өдөр дэлхийн түүхэнд:  

1. 1822 онд АНУ-д Флорида муж байгуулагдав.
2. 1841 онд Грекын нийслэл Афин хотод Грекын үндэс банк байгуулагджээ.
3. 1842 онд Америкийн мэс засалч Др.Кроуфорд Лонг анагаах ухааны салбарт мэдээ алдуулагчийг анх удаагаа ашиглав.
4. 1844 онд Гайтигаас тусгаар тогтнохын төлөөх Доминиканы дайн эхэлжээ.
5. 1856 онд Парисын тунхагт гарын үсэг зурснаар Крымын дайн өндөрлөв.
6. 1867 онд Оросын тал Аляскын нутаг дэвсгэрийг нэг акрыг нь 2 центээр бодож, 7.2 сая ам.доллараар АНУ-д худалджээ. Худалдааны гэрээг АНУ-ын төрийн нарийн бичгийн дарга Уиллиам Х.Сьювард үйлдсэн гэдэг.
7. 1939 онд Дайны Хайкел 100 хөлөг онгоц 745 км/ц хурдалж шинэ дээд амжилт тогтоов.
8. 1949 онд Исланд улс НАТО буюу Умард Атлантын цэргийн эвсэлд нэгдсэнийг эсэргүүцсэн жагсаал Рейкявик хотноо болжээ.
9. 1981 онд АНУ-ын ерөнхийлөгч Рональд Рейган Вашингтон хотын нэгэн зочид буудлын өмнө цээжиндээ буудуулав. Түүнийг Жон Хинкли гэгч бууджээ.
10. 1982 онд "Шаттл" сансрын хөтөлбөр: Колумбиа хөлөг онгоц даалгавраа амжилттай биелүүлж Шинэ Мексико мужийн Цагаан элсний хөндийд газарджээ.
11. 2009 онд Пакистаны Лахор хотод орших Махаван цагдаагийн академид 12 зэвсэгт этгээд халдав.
12. 2017 онд дэлхийн анхны хувийн хөлөг SpaceX амжилттай хөөрч, сансрын уудамд гарчээ.