3 дугаар сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 87 дахь өдөр бөгөөд он дуусахад 278 хоног үлдлээ.
- Цаг агаар өдөртөө 9 хэмийн дулаан бол шөнөдөө -4 градус хүйтэн байх нь ээ.
- Билгийн тооллын 12, есөн улаан мэнгэтэй шарагчин хонь өдөр. Өнөөдөр үсээ авахуулах буюу засуулбал өвчин эмгэг ирэх гэнэ. Энэ өдөр гахай, туулай жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2397.00 төгрөгтэй тэнцэж байгаа бол бусад валют болох рубль 42.50, юань 384.00, вон 2.24 төгрөг байна.
Өнөөдөр болох онцлох үйл явдлууд:
- Тусгаар тогтнолын талбайд 12.30 цагаас газар хөдлөлтийн зарлан мэдээллийн дуут дохиогоор хэрхэн ажиллах заавар зөвлөгөөг Онцгой байдлын албаны ажилчид иргэдэд үзүүлэх сургалт хийх гэнэ.
- Сонгинохайрхан дүүргийн 150 сурагч БНХАУ-ын их дээд сургуулиудад 30-100 хувийн тэтгэлгээр суралцах батламжаа гардан авах үйл ажиллагаа дүүргийн иргэний танхимд 11.00 цагаас болно.
- 14.00 цагаас Blue sky hotel 3-р давхарт Crystal room танхимд Японоос ирсэн багш нар "Японы бизнесийн амжилтын нууц" уулзалт семинарыг зохион байгуулна.
- 09.00-15.00 цагт “Бэтэг өвчний тандалт, оношилгоо: БНХАУ – Монголын хамтын ажиллагаа” сэдэвт сургалт, хэлэлцүүлэг Цус Сэлбэлт Судлалын Үндэсний Төвийн хурлын танхимд болно.
Энэ өдөр дэлхийн түүхэнд:
- 1566 онд Мальтын цэргийн жанжин Жеан Парисо де Валлетт нийслэл хот Валетта хотын суурийг тавьжээ. Хотыг түүний нэрээр нэрлэсэн юм.
- 1802 онд одон оронч Хайнрих Вилгельм Маттайс Олдерс солирыг илрүүлжээ.
- 1910 онд зохион бүтээгч Анри Фабре далавчаар холбосон тэнгисийн хөлөг зохион бүтээж, түүгээрээ Мартижес голд хурдалжээ.
- 1959 онд БНХАУ-ын Төрийн зөвлөл Төвдийн Засгийн газрыг тараажээ.
- 1969 онд Нобелийн шагналт Грекын яруу найрагч Гиоргос Сеферис Английн мэдээллийн BBC агентлагч Грекыг цэргийн дархтанууд захирч байгааг эсэргүүцсэн мэдэгдэл хийв.
- 1970 онд Туркийн баруун хэсэгт орон нутгийн цагаар 23:05 цагт газар хөдөлж 1,086 хүн амиа алдан, 1,260 хүн бэртэж гэмтжээ.
- 1990 онд АНУ-ын ерөнхийлөгч Жорж Х.В.Буш олимпын аварга Америкийн гүйгч Жесси Овенсийг Конгрессын алтан медалиар нэхэн шагнав.
- 1994 онд Өмнөд Африкын Инкатагын эрх чөлөөний намын зохион байгуулсан жагсаалыг цагдаагийн газар хамгаалалтад авав. Жагсаал сүүлдээ эмх замбараагүй байдал болон хувирч цагдаагийн хэд, хэдэн ажилтан амиа алджээ.
- 1999 онд Косовогийн дайн: Сербийн талын цэргүүд Избика хотод Косовогийн 146 хүний амийг хороов.
- 2005 онд Индонезийн Суматра арлын хойд хэсэгт байж болох хэмжээнээс зургаа дахин хүчтэй газар хөдөлж 915-1,314 хүн амиа алдаж, 340-1,146 хүн бэртэж, гэмтжээ.
- 2006 онд Францын засгийн газар хөдөлмөрийн гэрээний тухай хуулийг шинэчлэн баталсантай холбогдуулан олон нийтийг хамарсан эсэргүүцлийн жагсаал болов.
