3 дугаар сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 85 дахь өдөр бөгөөд он дуусахад 280 хоног үлдлээ.
- Цаг агаар өдөртөө 16 хэмийн дулаан бол шөнөдөө -1 градус хүйтэн байх нь ээ.
- Билгийн тооллын 10, хоёр хар мэнгэтэй улаагчин могой өдөр. Өнөөдөр үсээ авахуулах буюу засуулбал эрч хүч ихсэх гэнэ. Энэ өдөр үхэр, тахиа жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2398.00 төгрөгтэй тэнцэж байгаа бол бусад валют болох рубль 42.60, юань 379.70, вон 2.24 төгрөг байна.
Өнөөдөр болох онцлох үйл явдлууд:
- ШУТИС-ын Робокон-2018 тэмцээн 12.00-14.00 цагийн хооронд болно.
- "Зууны мэдээ" сонины Үндэсний мэдээллийн төвд 12.00 цагаас Булган аймгийн иргэд Улсын дээд шүүхийн нэр бүхий шүүгчийн хөрөнгийн эх үүсвэрийг шалгуулахаар АТГ-т хандаж байгаа талаар хэвлэлийн бага хурал зарлалаа.
- 11.00 цагт Монгол Ньюс -хэвлэл мэдээллийн төвд олон нийтийн байгууллагуудаас "21-р зуунд Монгол хүн Монгол бичгээрээ бичих эрхгүй юу!!!" хэвлэлийн бага хурал зарлагдлаа.
- 11.00 цагаас МУИС-ийн Номын сангийн 5 давхарт МУИС-ийн ахмад багш нарын анхдугаар чуулган болно.
Энэ өдөр дэлхийн түүхэнд:
- 1169 онд Египетийн эмирээр Саладин тодров.
- 1885 онд Саскатчеваны уугуул иргэд газар нутгийнхаа төлөө Канадын цэргүүдтэй тулалдав.
- 1913 онд Балканы дайн: Болгарын цэргүүд Адрианополь хотыг эзэлжээ.
- 1917 онд Дэлхийн I дайн: Британийн арми 17,000 Туркын цэргийн довтолгоог хамгаалав.
- 1922 онд Польш улсад Германы социаль демократ нам байгуулагджээ.
- 1931 онд Швейцарийн иргэний агаарын тээврийн "Swissair" компани байгуулагдав.
- 1934 онд Их Британи улсад жолооны курсууд байгуулагдаж, жолоочдыг сургаж эхлэв.
- 1954 онд АНУ-ын явуулсан "Шилтгээн" ажиллагааны хүрээнд Бикини шүрэн аралд анхны цөмийн туршилтыг явуулав. Туршилтын бөмбөгдөлт 11 мегатоноор хэмжигдэж байжээ.
- 1971 онд Дорнод Пакистан Пакистан улсаас тусгаар тогтнож Бүгд найрамдах Бангладеш ард улсыг байгуулав. Үүнээс шалтгаалан Бангладешийн чөлөөлөх дайн эхэлжээ.
- 1975 онд Биологийн зэвсгийн конвенц батлагдаж олон улс даяар хэрэгжиж эхлэв.
- 1979 онд АНУ-ын нийслэл Вашингтон хотод Египетийн ерөнхийлөгч Аньвар аль-Садат, Израйлийн ерөнхий сайд Меначем Бегин нар Америкийн зуучлалаар энхийн гэрээнд гарын үсэг зуржээ. Гарын үсэг зурах ёслолд АНУ-ын ерөнхийлөгч Жимми Картер оролцсон байна.
- 2005 онд БНХАУ-ын боловсруулсан салан тусгаарлах үзэлтэй тэмцэх тухай хуулийг эсэргүүцэж Тайванийн нийслэл Тайпей хотод 200-300,000 мянган хүнийг хамарсан жагсаал болжээ.
