3 дугаар сарын 23-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 82 дох өдөр бөгөөд он дуусахад 283 хоног үлдлээ.
- Цаг агаар өдөртөө 11 хэмийн дулаан бол шөнөдөө -5 градус хүйтэн байх нь ээ.
- Билгийн тооллын 6, таван шар мэнгэтэй хөх бар өдөр. Өнөөдөр үсээ авахуулах буюу засуулбал өнгө зүс сайжрах гэнэ. Энэ өдөр морь, нохой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2400.00 төгрөгтэй тэнцэж байгаа бол бусад валют болох рубль 42.60, юань 380.40, вон 2.25 төгрөг байна.
Өнөөдөр болох онцлох үйл явдлууд:
- 09.00 цагаас Төрийн ордны жанжин Сүхбаатарын танхимд Шинжлэх ухаанд суурилсан хөгжлийн гарц сэдвээр эрдэмтдийн зөвлөгөөн болно.
- Монголын сэтгүүл зүй, Яруу найргийн он цагийн хэлхээсийн нэгэн шигтгээ Баасанжаргалын Эрдэнэцогт агсаны номын нээлт "Аз хур" номын их дэлгүүрт 15.00 цагаас болно.
- Нийтийн удирдлага ба тогтвортой хөгжил-Онолыг практикт нэвтрүүлэх нь сэдвийн хүрээнд мэргэжлийн зөвлөгөөн 14.30 цагт MУИС-ийн 5-р байрны 203 тоотод зохион байгуулагдана.
- 09.00-15.00 цагт ЭМЯ, ОБЕГ, ЗӨСҮТ хамтран Зоонозын өвчний дэгдэлтийн үед салбар хоорондын байгууллагууд хэрхэн хамтран ажиллах талаар ширээний дасгал сургуулилтыг ЭМЯ-ны 306 тоот өрөөнд зохион байгуулна.
- 09.00-11.00 хүртэл Цаг уур, орчны шинжилгээний газараас цаг уурын баярын өдрийг угтан "Уур амьсгалын өөрчлөлтийг мэдэрч, гамшигт бэлэн байцгаая" эрдэм шинжилгээний хурлыг зохион байгуулна.
Энэ өдөр дэлхийн түүхэнд:
- 1568 онд Францы улсын шашны хоёрдугаар дайн Лонжүмэгийн гэрээнд гарын үсэг зурснаар дуусчээ.
- 1775 онд Америкийн иргэний дайн: АНУ-ын Виржиниа мужийн Ричмонд хотын Гэгээн Жоны сүмд Патрик Хенри алдарт "Надад эрх чөлөө эсвэл үхэл өг" гэсэн үгээ хэлэв.
- 1801 онд Оросын хаан I Павелыг Гэгээн Павелийн ордонд унтаж байхад нь жадлан хөнөөжээ.
- 1857 онд АНУ-ын Нью-Йорк хотын Уоллстритийн санхүүгийн байранд Элиша Отисийн зохион бүтээсэн цахилгаан шатыг суурилуулжээ.
- 1888 онд Английн хөлбөмбөгийн лигийн анхны тоглолт зохион байгуулагдав. Тус тэмцээн нь дэлхийн хөлбөмбөгийн спортын түүхэнд хамгийн удаан хугацааны турш зохион байгуулагдаж байгаа тэмцээн билээ.
- 1905 онд Грек улсад Крит арлыг нэгтгэх "Теризо"-гын хувьсгал эхлэв.
- 1909 онд АНУ-ын ерөнхийлөгч асан Теодор Рүүзвельт Нью-Йорк хотоос гарч Африк тивийг зорих аялалдаа гарав. Түүний аялалыг Үндэсний газар зүйн нийгэмлэг болон Смитсонианы хүрээлэн санхүүжүүлжээ.
- 1933 онд Германы Рейхстаг хууль баталж, Адольф Гитлерыг дарангуйлагч болгожээ.
- 1956 онд Пакистан улс Исламын бүгд найрамдах улсыг тунхаглаж, албан ёсоор тусгаар тогтнов.
- 1978 онд НҮБ Ливанд энхийг сахиулах ажиллагаа зохион байгуулахаар болж цэнхэр дуулгатнууд Бейрутэд иржээ.
- 1996 онд Тайван улсад ерөнхийлөгчийн анхдугаар ардчилсан сонгууль болж Лий Тенг-Хуй ерөнхийлөгч болжээ.
