3 дугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 79 дахь өдөр бөгөөд он дуусахад 286 хоног үлдлээ.
- Цаг агаар өдөртөө 11 хэмийн дулаан бол шөнөдөө -2 градус хүйтэн байх нь ээ.
- Билгийн тооллын 3, найман цагаан мэнгэтэй цагаагчин гахай өдөр. Өнөөдөр үсээ авахуулах буюу засуулбал эд мал баялаг төгөлдөг болох гэнэ. Энэ өдөр хонь, туулай жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2401.00 төгрөгтэй тэнцэж байгаа бол бусад валют болох рубль 42.30, юань 379.50, вон 2.24 төгрөг байна.
Өнөөдөр болох онцлох үйл явдлууд:
- MN-Мэдээллийн төвд 11.00 цагаас Монгол хэлний тухай хуулийн асуудлаар Хэл шинжлэлийн доктор Э.Жамуха мэдээлэл хийнэ.
- 09.30 цагаас монголбанкны 5 давхрын хурлын танхимд Зээлийн хүүг бууруулах үндэсний стратеги сэдэвт хэлэлцүүлэг болно.
- 10.00 цагт "Монголын геологи хайгуул-2018" чуулга уулзалтын хэвлэлийн хурал Ашигт малтмал газрын тосны газрын 1 дүгээр байранд болно.
- Барилгын тусгай зөвшөөрлийн үйл ажиллагааны танилцуулах уулзалт 09.30 цагт Corporate & Convention Center 5 давхрын Улаанбаатар танхимд болно.
- 11.00 цагт Shangri-La зочид буудлын Grand ballroom-д Азийн орнуудын цахим мөнгө, блокчайн технологи хөгжүүлэгч бизнесменүүд уулзалт зохион байгуулна.
Энэ өдөр дэлхийн түүхэнд:
- 1616 онд Английн аялагч Сир Уольтер Релей Лондон хотын цамхагт 13 жил хоригдсоны эцэст суллагджээ.
- 1815 онд Элба арлаас зугтсан Наполеон Бонапарт 140,000 цэрэгтэй арми, 200,000 сайн дурын цэрэг бүхий салаатай болсноор богино хугацааны хаанчлалаа эхлүүлжээ.
- 1854 онд АНУ-ын Висконсин мужийн Рипон хотод тус улсын бүгд найрамдах нам байгуулагджээ.
- 1913 онд Хятадын үндэсний намыг байгуулагч Сун Чиао-Жен халдлагад өртөн хүнд шархдав. Шархадсанаасаа хойш хоёр хоногийн дараа амьсгал хураажээ
- 1915 онд суут физикч Альберт Эйнштейн харьцангуйн ерөнхий онолоо боловсруулав.
- 1922 онд АНУ-ын зэвсэглэлийн түүхэнд анх удаа нисэх онгоц тээвэрлэх "Лангли" хөлөг онгоцыг нэвтрүүлжээ.
- 1923 онд Чикаго мужийн уран зургийн клуб нээгдэв. Нээлтэд Пабло Пикассогийн уран зургуудыг дэлгэн үзүүлэв. Ингэснээр тус улсад орчин үеийн урлагийн шинэ давалгаа эхэлсэн түүхтэй.
- 1933 онд АНУ-ын ерөнхийлөгч Франклин Д.Рүүзвельт рүү гал нээж, хүнд шархдуулсан Жузеппе Цангара гэгчийг Флорида мужийн шоронд цахилгаан сандал дээр цаазаар авав.
- 1951 онд Японы томоохон арал болох Хоншү арал илэрч, улмаар тус арал орших Яманаши мужийн Фүжиёшида хот байгуулагдав.
- 1952 онд АНУ-ын Сенат Японтой энхийн гэрээ байгуулахыг дэмжжээ.
- 1964 онд Европын сансар судлалын агентлаг байгуулагджээ.
- 2015 онд дэлхий даяар сарны хиртэлт, хагас хиртэлт, том сар мандах үзэгдэл тохиожээ.
