Маргаашнаас АНЭУ руу визгүй зорчино
Монгол Улсын иргэд 2023 оны арванхоёрдугаар сарын 28-ны өдрөөс Арабын Нэгдсэн Эмират Улс руу 30 хүртэл хоногийн хугацаанд визгүй зорчих боломжтой боллоо.
2023-12-27
Нэгдүгээр сарын 12-ноос Мальдив руу визагүй зорчино
Дели хотноо 2023 оны наймдугаар сарын 17-ны өдөр гарын үсэг зурсан "Дипломат, албан болон энгийн паспорт эзэмшигчдийг визийн шаардлагаас харилцан чөлөөлөх тухай Монгол Улсын Засгийн газар, Бүгд Найрамдах Мальдив Улсын Засгийн газар хоорондын хэлэлцээр" 2024 оны нэгдүгээр сарын 12-ны өдрөөс хүчин төгөлдөр болно.
2023-12-27
"Ерөнхий боловсролын сургуулиудын заалны бетон шалыг халж, волейболын стандартад нийцсэн шалтай болгох шаардлагатай"
УИХ-ын Боловсрол, соёл, шинжлэх ухаан спортын байнгын хорооны дарга Б.Баярсайхан Монгол Улсын сайд, Олимп, биеийн тамир спортын Үндэсний хорооны дарга Б.Бат-эрдэнэ, Олимп, биеийн тамир спортын Үндэсний хорооны Ажлын албаны дарга Э.Тэмүүжин, Биеийн тамир, спортын улсын хорооны даргын албан үүргийг түр орлон гүйцэтгэгч О.Баттулга, Биеийн тамир, спортын улсын хорооны Бодлого, төлөвлөлтийн газрын дарга О.Гэрэл нартай уулзаж, нийтийн биеийн тамирыг хөгжүүлэх асуудлаар санал солилцлоо.
2023-12-27
Сонгож болохгүй УЛС ТӨРЧ: Яаж ч мэдэх С.ГАНБААТАР
Тэрбээр ЗХУ-ын Новосибирск хотын Геодез, цахилгаан техник, уул уурхайн дээд сургууль, Хамерсмит вест Лондон коллежийг бизнес, санхүүгийн удирдлага мэргэжлээр төгссөн хэмээдэг байлаа. 2016 оны сонгуулиар мань эр дээр дурдсан сургуулиудыг төгсөөгүй, Английн “Сосейти женерал” банканд ажиллаж байгаагүй гэдэг нь ил болсон. Тухайн үед “Ийгл” телевизийн нэвтэрүүлэгт оролцохдоо тэрбээр үнэнд гүйцэгдэж, “Би сурч байсан, төгсөж чадаагүй. Оюутан байхдаа олон л газар сурч, дадлага хийсэн” гээд зарим байгууллагынхан нь намайг ажиллаж байсныг санахгүй байгаа биз хэмээн хэлж ч үзэв. Тэгснээ муу нуухаар сайн илчилж, дээрх Английн банканд ажиллаж байсан тухай хуурамч бичиг баримт бүрдүүлэн “ХААН банк” ХХК-ийн удирдах албанд ажилд орсноо “улайсан” юм. Энэ мэтээр түүний амьдрал худал хуурмаг ихтэй, улс төрийн замналаа ч ийм арга барилаар эхлүүлсэн аж.
2023-12-27
Нэмэлт хоёр мандатыг ч нийслэлийнхнээс харамлалаа
УИХ-ын 2024 оны ээлжит сонгуулийн тойрог байгуулах, мандатын тоо, дугаар, нутаг дэвсгэр, төвийг тогтоох тухай тогтоолыг парламент баталснаар ирэх сонгуулиар 78 гишүүнийг бүсчлэх байдлаар томсгосон 13 тойргоос сонгох нь. Тойргоос сонгохоор нэмэгдсэн хоёр мандатыг нийслэлд биш, аймаг, орон нутгийнхад хуваарилчихаж. Үе үеийн эрх баригчид өөрсдөө туг тойрох тоглоомын дүрэм зохиодог түүх давтагдаж, орон нутгаас олноор сонгогддог МАН-ынхан нийслэлийн мандатыг нэмэхгүй үлдээх шиг боллоо. УИХ-ын гишүүний тоо нэмэгдсэн ч улсын нийслэлийн төлөөлөл, Улаанбаатарт ногдох “хувь”-ийг өсгөсөнгүй.
2023-12-26
ШУУД: "Самурай" бондын өрийг хугацаанд нь төлж барагдуулахтай холбоотой өрийн дэвтэрт гарын үсэг зурж байна
Хөгжлийн банк 500 сая ам.долларын бондын өрөө өөрийн 100 хувийн эх үүсвэрээр барагдуулсан талаар Сангийн сайд Б.Жавхлан мэдээлсэн. Тэрбээр "Хөгжлийн Банкны 67 зээлдэгчээс 40 нь буюу 1.8 их наяд нь чанаргүй гэж үнэлэгдэж хэвийн үйл ажиллагаа явуулахад хэцүү болж байв. 2022 оны нэгдүгээр сараас хойш нэг ч удаа зээл гаргаагүй. Зөвхөн зээлийг эргэн төлүүлэхэд л анхаарлаа хандуулсан. 2023 оны аравдугаар сарын байдлаар нийт 1.5 их наяд төгрөгтэй тэнцэх хэмжээний зээлийг эргэн төлүүлжээ.
2023-12-25
А.Адъяасүрэн гишүүн ширэн нүүрлэж, ард түмнийг мэхлэв
Монголын хамгийн баян эмэгтэй гэгддэг А.Адъяасүрэн гишүүн ард түмний итгэлийг олсон ч хариуцлагатай байж чадсангүй, төд удалгүй итгэлийг нь алдсан. УИХ-ын 2020 оны сонгуульд Баянхонгор аймгаас сонгогдсон түүнд тойргийнх нь иргэд дүн тавих цаг ирсэн бололтой. Гишүүн болсон цагаасаа авлигын хэрэгт холбогдсон түүний бүрэн эрхийг түдгэлзүүлэх асуудал ч яригдсан. Эрхэм гишүүнээс авлига авсан хэргээр Нийслэлийн прокурорын газрын Ерөнхий прокурор Ш.Нямдорж дүрэмтээ тайлсан.
2023-12-22
Ирэх сонгуульд горилогчид
УИХ-ын сонгуульд нэр дэвших хүсэлтэй горилогчид төрийн ажлаа хүлээлгэн өгч эхэлжээ. Ирэх оны нэгдүгээр сарын 1-нээс өмнө тэд шийдвэрээ гаргаж, ажлаа цэгцлэх учиртай юм. Сонгуулийн тухай хуулийн 29.4-т заасны дагуу төрийн жинхэнэ албан хаагч, төрийн үйлчилгээний албаны удирдах албан тушаалтан, төрийн болон орон нутгийн өмчит, төрийн болон орон нутгийн өмчийн оролцоотой хуулийн этгээдийн дарга, дэд дарга, захирал, дэд захирлууд үүнд хамаарна. Үүний дагуу хүмүүс түрүүчээсээ сонгуулийн бэлтгэлдээ оржээ. Хоёр удаагийн сонгууль дараалан МАН үнэмлэхүй олонх болсон учир төрийн өндөр, дээд буюу дээрх ангилалд хамаарах албан тушаалд тус намын гишүүд ажиллаж буй юм. Тиймээс ажлаа өгч буй горилогчид бүгд МАН-аас ирэх сонгуульд өрсөлдөх хүмүүс гэж ойлгоход болно.
2023-12-22
