“KOLON FnC” Монголд хаягдал кашмер дахин боловсруулах төслийг эхлүүллээ

KOLON INDUSTRIES FnC ORGANIZA­TION-K.O.A компани нь Монголд НОО­ЛУУ­­­РАН ХУВЦАСНЫ ХАЯГДЛЫН ТЕКС­­­ТИЛЭЭС ТЕКСТИЛЬ РҮҮ ЦИРКЛ СИС­ТЕМИЙН ХӨГЖҮҮЛЭЛТ төслийг КОЙКА-тай хамтран (2024 оны наймдугаар сараас 2028 оны найм­дугаар сар хүртэл) хэрэгжүүлнэ. Энэхүү төслийг Монголдоо нутаг­шуулах зорилгоор K.O.A компани нь өнгөрсөн арваннэгдүгээр сард KM CIRCULAR SOLUTION(KMCS) гадаа­дын хөрөнгө оруу­лалттай компанийг байгуулан төслийн нээл­тийн арга хэмжээгээ нэгдүгээр сарын 21-нд Новотел зочид буудалд амжилттай зохион байгууллаа.

Тус төслийн гол агуулга: 

• Дахин боловсруулах технологийг ашиглан дахин боловсруулах үйлдвэрийг байгуулах (CIRCULAR FACTORY) 
• Хувцасны хог хаягдлыг ашиглан бүтээг­дэ­хүүн гаргасан үлгэр жишээ төсөл болгох 
• Монголын их дээд сургуулиудтай хамтран хувцас загварын дахин боловсруулах циркл системийн салбарын мэргэжлийн боловсон хүчнийг бэлтгэн гаргах 
• Төслөөр дамжуулан бүтээгдэхүүний да­хин боловсруулалттай холбоотой иргэ­дийн мэдлэгийг дээшлүүлэх гэсэн олон аж­лыг хийх юм. 

Төслийн нээлтийн арга хэмжээнд Байгаль орчин, уур амьсгалын өөрчлөлтийн сайд С.Одонтуяа болон КОЙКА-гийн Монгол дахь Суурин төлөөлөгчийн газрын орлогч дарга Со Хён Жэ нар мэндчилгээ дэвшүүлэн үг хэллээ. Төслийн эхлэл болох санамж би­чигт KOLON FnC, K.O.A,  Монголын ноос ноолуурын холбоо, ШУТИС-ийн Хөнгөн үйлдвэрийн технологи, инженерчлэлийн сал­бар, Шоппи ХХК, Ханбогд Кашимер ХХК-ийн төлөөлөгчид гарын үсэг зурлаа.
Эдгээр байгууллагаас гадна Монгол Улс дахь НҮБ-ын Хөгжлийн хөтөлбөрийн MSCP, Бүгд Найрамдах Франц улсад төвтэй “Хил хязгаар­гүй малын эмч нар ба агрономичид” буюу AVSF ТББ, Улаанбаатар хотын Худалдааны тан­хим (УБХТ) зэрэг холбогдох албаны 40 гаруй төлөөлөгч оролцон салбар бүрийн дэд бүтцийн өнөөгийн байдлыг хуваалцаж, тогтвортой өсөлтийг хангах хамтын ажил­лагааны арга замуудыг хэлэлцэн, харилцан түншлэлээ бэхжүүлэх боломжийг олгосон арга хэмжээ болж өндөрлөлөө.