“Биг” барилгын материалын төвд гал гарч, 15 орчим хувь нь шатлаа

Баянгол дүүргийн XX хороо, Гурвалжингийн гүүрний зүүн урд талд байрлах “Биг” барилгын материалын худалдааны төвд өнгөрсөн баасан гаргийн 08.08 цагт гал гарсан дуудлага онцгой байдлын байгууллагад бүртгэгджээ. Дуудлагын дагуу тус байгууллагын 50 гаруй алба хаагч, 10 гаруй техник хэрэгсэлтэйгээр ажиллаж, гал түймрийг 10.40 цагт бүрэн унт­раасан байна. Гал түймэрт тус барилгын 15 орчим хувь нь өртсөн бөгөөд утаажилтын бүсээс гурван иргэнийг гаргажээ.  Алба хааг­чид галын тархалтыг богино хугацаанд зог­соос­ноор тус худалдааны төвийн 85 хувь буюу урьдчилсан байдлаар гурван тэрбум төгрөгийн өмч хөрөнгийг хамгаалсан хэмээн мэдээлсэн юм. “Биг” төвийг 2015 онд ашиглалтад оруул­сан байна. Тус худал­дааны төвийн 2300 ам метр талбайд 150 га­руй түрээслэгч барилгын ма­териал худалдан бор­луулдаг байж. Одоогоор гал түймрийн шалт­гаан нөхцөлийг тогтоохоор онцгой байдал бо­лон цагдаагийн байгууллагын алба хаагчид ажил­­лаж буй юм. 
Ташрамд дуулгахад, улсын хэмжээнд гарч буй аюулт үзэгдэл, ослын 90 орчим хувь нь гал түйм­­рийн дуудлага байна. Тухайлбал, өнгөрсөн до­­­лоо хоногт онцгой байдлын бай­гууллагад нийт 79 дуудлага ирсний 69 нь гал түймрийнх аж.

Ч.Болор