Сэтгүүлчийн эх сурвалжаа хамгаалах эрхийг баталгаажуулах талаар тусгажээ

УИХ-ын дарга Д.Амарбаясгаланд УИХ-ын гишүүн, Хууль зүй, дотоод хэр­гийн сайд О.Алтангэрэл Хэвлэл мэдээл­лийн эрх чөлөөний тухай хуулийн шинэ­чил­сэн найруулгын төслийг өнгөрсөн баасан гарагт өргөн барив. Шинэчилсэн найруулгын төсөлд одоо хүчин төгөлдөр үйлчилж буй Хэвлэл мэдээллийн эрх чө­лөөний тухай хуульд тусгагдсан үнд­сэн үзэл баримтлалыг оруулахын зэрэг­цээ зарчмын шинжтэй хэд хэдэн асуудлыг багтаажээ. Тухайлбал, хуулийн хэрэглээний нэгдмэл байдлыг хангах зорилгоор сэтгүүл зүйн мэргэжлийн үйл ажил­лагаатай холбоотой нэр томьёоны тайл­­барыг олон улсын хандлага, до­тоо­­дын эрх зүйн тогтолцоо, тухайн сал­­­бар шинжлэх ухаанд нийцүүлсэн бай­­­на. Мөн хэвлэл мэдээллийн байгуул­лагын зо­рилго, төрлийг тодорхойлж, ха­риуц­лага­тай сэтгүүл зүйг төлөвшүүлэх, олон ургалч үзлийг дэмжих зорилгоор түү­ний эзэмшлийн ил тод байдалтай хол­­боотой зохицуулалт тусгасан аж. Түүнч­лэн, хэвлэл мэдээллийн бай­гуул­лага, сэтгүүлчийн эх сурвалжаа хам­гаа­лах эрхийг баталгаажуулах зүйл, заалт оруул­жээ. Хуулийн төслийг Хууль зүй, до­тоод хэргийн яамнаас эрх ашиг, со­­нир­хол нь хөндөгдөж бол­зош­гүй бүл­гүү­дийн дунд нийт дөрвөн удаа хэ­лэл­цүү­лэн, са­нал санаачилгыг тус­га­сан гэнэ.

Ч.Туяа