“Парис-2024” зуны олимпын наадмын чөлөөт бөхийн эмэгтэйчүүдийн 50 кгд “Осло-2021” ДАШТ-ий хүрэл, “Белград-2022” ДАШТ-ий мөнгө, “Белград-2023” ДАШТ-ий мөнгөн медальт Монгол Улсын гавьяат тамирчин Долгоржавын Отгонжаргал өрсөлдөнө. Манай тамирчин эхлээд Италийн Эмануэла Лиуззитэй эхний даваанд учраа таарав. Түүнийг ялбал олимпын 2 мөнгө, 2 хүрэл медальт, дэлхийн иж бүрэн медальт Азербайжины Мария Стадник, Германы Анастасия Блайвас нарын ялсантай нь хүч үзэх аж.
