"EURO 2024" буюу Хөл бөмбөгийн Европ тивийн 2024 оны аварга шалгаруулах тэмцээний финалын тоглолт Германы Берлин хотын "Olympiastadion" цэнгэлдэх хүрээлэнд боллоо. Испаничууд Английг 2-1 харьцаагаар хожиж, 2024 оны Европ тивийн аваргын цом авав. Мөн тус тэмцээнд хамгийн олон удаа түрүүлсэн улс болж түүхэнд бичигдэв. Тодруулбал Испанийн шигшээ баг 1964, 2008, 2012 онуудад Европын аварга болж байсан бол 12 жилийн дараа дахин аваргаа баталлаа.
"EURO 2024" тэмцээний шилдэг тоглогчоор Родри /Испани/, мэргэн буучаар 3 гоол оруулсан Харри Кейн /Англи/, Коди Гакпо /Нидерланд/, Дани Олмо /Испани/, Жамал Мусиала /Герман/, Иван Шранц /Словак/, Жоржес Микатадзе /Гүрж/ нар тодров. Мөн шилдэг залуу тоглогчоор Ламин Ямал /Испани/ тодорсон юм. 2028 оны Европын аварга шалгаруулах тэмцээнийг Британи болон Ирланд улс хамтран зохион байгуулах бол 2032 онд Итали, Туркэд болно.
