Манай улс 64 буудалт даамыг хөгжүүлэх зорилгоор Нийслэлийн даамын холбоо Олон улсын даамын холбоотой хамтран “Mongolia 2024” “Дэлхийн цом” тэмцээнийг энэ сарын 8-15 хүртэл зохион байгуулна. 64 буудалт даамын сонгодог, блиц, рапид төрөлд болох тус тэмцээн орос, бразил дүрмээр явагдах юм. Тус тэмцээнд өрсөлдөх ОХУ-ын шилдэг даамчид ирсэнтэй холбогдуулан 100 буудалт даамын блиц тэмцээнийг нийслэлд зохион байгуулж байна. Энэ үеэр хойд хөршийн их мастер Александр Гетманский даам сонирхогч, хүүхэд залууст зориулсан гурав хоногийн сургалт явуулж, 100 буудалт, бразил, орос даамын хичээл заав. Даамтай холбоотой өөр нэг мэдээ дуулгахад, 2022 онд болсон өсвөр үеийнхний ДАШТ-ий үндсэн, рапид, блиц төрөлд тус бүр алтан медаль гардаж, Дэлхийн даамын холбооны мастер цолны болзол биелүүлсэн Н.Лхагвадолгорын цол батлагджээ.
Өчигдрөөс илүү маргаашийг
бүтээхийн төлөө
