Германд болж буй Европын хөл бөмбөгийн аварга шалгаруулах тэмцээний хагас шигшээд өрсөлдөх багууд тодорлоо. Хагас шигшээд шалгарахын төлөөх сүүлчийн тоглолтууд орон нутгийн цагаар долдугаар сарын 5, 6-ны өдрүүдэд болж, Испанийн шигшээ баг Германы багийг 2:1-ээр буулган авав. Харин Францын баг Португалын багийг торгуулийн цохилтоор 5:3-аар нутаг руу нь буцаавэ. Английн шигшээ баг Швейцарын багийг торгуулийн цохилтоор 5:3-аар, Нидерландын баг Туркийн шигшээг 2:1-ээр хожлоо.
1988 онд тус тэмцээнд түрүүлж байсан Нидерландын баг хагас шигшээд өмнөх тэмцээний финалд шалгарч байсан Английн багтай өрсөлдөнө. Тоглолт долдугаар сарын 10-нд Дортмунд хотноо болно. Европын гурван удаагийн аварга испанийн шигшээ баг долоодугаар сарын 9-нд Мюнхен хотын цэнгэлдэх хүрээлэнд тус тэмцээний хошой аварга Францын багтай тоглоно.
