Хөлбөмбөгийн спортын домог болсон тамирчин Лионель Андрес Месси Куччиттини 1987 оны зургадугаар сарын 24-нд Аргентин улсын Санта-Фэ мужийн Росарио хотод төржээ. Мөн тэрээр Родриго, Матиас гэж хоёр ахтай бөгөөд Мария Соль хэмээх эмэгтэй дүүтэй. 5 настайдаа Месси хүү анх аавынхаа дасгалжуулдаг хүүхдийн Грандоли багт хөлбөмбөг тоглож эхэлжээ. Аргентин довтлогчийн хөлбөмбөгийн замнал 1995 онд Ньюэллс багаас эхэлжээ. Гэвч 11 настайдаа Месси өсөлтийн гормоны дутагдал өвчинд нэрвэгджээ. Хэдийгээр Ривер Плэйт баг түүнийг ихээр сонирхож байсан ч хүүгийн сард 900 доллар төлөх эмчилгээний зардлыг төлөх боломжгүй байв. Харин ФЦ Барселона багийн спортын захирал Карлес Резач Мессигийн ур чадварыг анзаарч хэрвээ Барселона багт элсэхийг зөвшөөрвөл эмчилгээг нь бүрэн хариуцахаар болсон байна. Ингээд 13 настай бяцхан жаал азаа үзэж хүчээ сорихоор шийдэн Атлантын далайг гаталж эцэг эхийн хамт Барселонад ирэв. Ингээд 14 наснаас дооших хүүхдийн багт элсэн орсон байна.
2009, 2010, 2011, 2012 оны ДХБХ-ны оны шилдэг хөлбөмбөгчин, 2022 оны дэлхийн аварга Л.Месси 13 насандаа Испани улс руу эцэг эхийн хамт нүүж, Барселона багийн залуучуудын шигшээд тоглож, 2004 оны аравдугаар сараас тус багийн үндсэн тоглогчийн гараагаа эхлүүлсэн түүхтэй.
Месси 21 насандаа буюу 2009 онд анх ФИФА-гийн оны шилдэг хөлбөмбөгчин болж, Алтан бөмбөгийн буюу "Баллон Д'Ор"-ын шагналыг хүртжээ. 2010/2011 оны УЕФА-ын шилдэг хөлбөмбөгчний шагналын эзэн болсон. Тэрбээр Барселона багийн бүх цаг үеийн мэргэн бууч юм. Түүний хөлбөмбөг тоглож байгаа нь Марадонатай төстэй учраас заримдаа түүнийг Марадонагийн залгамжлагч гэгддэг.
Месси багаасаа хөлбөмбөг тоглож, түүний чадварыг Барселона эхлээд олж анзаарчээ. Тэрбээр 2000 онд өсөлтийн дутагдлын өвчинд нэрвэгдээд байсан учир гэр бүлтэйгээ Росариогоос Европ руу нүүж, Барселона баг түүний эмчилгээний зардлыг нөхөн төлсөн байна. Тэрбээр анх 2004-05 оны улиралд Барсад анхны тоглолтоо хийсэн бөгөөд залуу тоглогчоос дэлхийн шилдэг хөлбөмбөгч болтлоо дэвшсэн. 2006/2007 онд түүний амжилт эхэлж Эл Класикод хет-трик хийж, "Ла" лигийн 26 тоглолтод 14 гоол оруулжээ. Түүний амжилттай жилүүд нь 2008-2009 оны улирал байсан бөгөөд 38 гоол оруулж Барселона багт 6 цомыг хүртсэн билээ. Тэрээр амжилтаа улам ахиулсаар 2011-2012 оны улиралд нийт 53 гоолыг оруулжээ.
Месси мөн 2005 оны ФИФА Залуучуудын хөлбөмбөгийн дэлхийн аварга шалгаруулах тэмцээнд Аргентины багтай түрүүлж, шилдэг тоглогч, шилдэг мэргэн буучийн шагналыг хүртсэн. 2008 зуны олимпоос мөн Аргентины хөлбөмбөгийн багтай алтан медаль хүртэж олимпын аварга болжээ. Месси шигшээ багтайгаа нийт 151 тоглолтод оролцож 76 гоол оруулаад байна.
Тэрбээр 2010 онд UNICEF-ийн хүндэт элч төлөөлөгч болсон ба өөрийн “Leo Messi Foundation” сангаараа боловсрол болон эмчилгээний тусламж хэрэгтэй хүүхдүүдэд тусалдаг. 2020 онд Л.Месси-г Forbes сэтгүүл дэлхийд хөлбөмбөгийн спортоор 1 тэрбум ам.доллар олсон хоёр дахь хүн болсон гэж зарласан байна.Барселона клубийн үндсэн бүрэлдэхүүнд хүчин зүтгэж эхэлсэн цагаасаа хойш Испанийн аваргын цомыг 10 удаа, УЕФА-ийн Аваргуудын лигийн цомыг зургаан удаа, Испанийн супер цомыг найман удаа, Европын супер цомыг гурван удаа , Клубийн дэлхийн аваргын цомыг гурван удаа өргөжээ. Энэ хугацаанд зургаан удаа УЕФА-ын Аваргуудын лигийн мэргэн буучаар шалгарч байв.
Тэрбээр 2005, 2007-2013, 2015-2017 онуудад буюу нийт 12 удаа Аргентиний оны шилдэг тоглогчоор шалгарч байв. Мөн 2009, 2010, 2011, 2015, 2017, 2018 онд Испанийн аварга шалгаруулах тэмцээний шилдэг тоглогч, 2009 онд Европын хөлбөмбөгийн клубийн оны шилдэг хөлбөмбөгчин, УЕФА-ийн Аваргуудын лигийн шилдэг довтлогчоор шалгарч байсан. Мөн тухайн жил ФИФА-гаас олгодог дэлхийн шилдэг хөлбөмбөгчнөөр шалгарч байв. Түүний дараа жил буюу 2010 онд мөн л дэлхийн шилдэг хөлбөмбөгчний шагналыг хүртсэн юм. Мөн шилдэг хөлбөмбөгчинд олгодог "Алтан гутал" шагналыг 2010, 2012, 2013, 2017, 2018 онуудад нийт таван удаа хүртэж байжээ. 2022 онд ФИФА-гийн цомыг авсан билээ.
