Өнөөдөр гадаа 14 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 8-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн жилийн 98 дахь (өндөр жил бол 99 дэх) өдөр юм. Мөн он дуустал 267 өдөр үлдэж байна.
- Цаг агаар өдөртөө 14 хэмийн дулаан бол шөнөдөө -1 градус хүйтэн байх нь ээ.
- Билгийн тооллын 30, Сумъяа гараг. Дэлгэрүүлэгч одтой, хар бар өдөр. Өдрийн наран мандах, жаргах цаг нь 06.16-19.32. Тухайн өдөр морь, нохой жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3380.00 төгрөг, зарах нь 3384.00 төгрөг байна. Харин рублийн авах ханш 36.25, зарах ханш 36.70, юанийн авах ханш 466.10, зарах ханш 471.90, вонийн авах ханш 2.51, зарах ханш 2.53 төгрөг байна.
Өнөөдөр болох онцлох үйл явдлууд:
- 09.00 цагт: “Шангри-Ла” зочид буудалд: ЭМЯ, ЦХХХЯ, НҮБ-ын Хүүхдийн сан хамтран “Төрийн бүтээмжийн сэргэлт-Цахим эрүүл мэнд” үндэсний зөвлөлдөх уулзалт зохион байгуулна. Утас: 8911-9482, 8810-6115.
- 09.30-12.30 цагт: МУИС-ийн Багш, оюутны хөгжлийн төвд: ЕБС-ийн сургалтын хэрэглэгдэхүүний менежментийн цахим платформ “Үндэсний мэдээллийн сан” үүсгээд буйг “MLab” төслөөс БШУЯ-нд хүлээлгэн өгөх үйл ажиллагаа болно.
- 09.30 цгт: МУИС-ийн Багш, оюутны хөгжлийн төвд: Окландын их сургуулийн профессор, системийн инженер Барбара Оаклийн “Learn like a Pro” номын нээлт болно. Утас: 9008-2998, 9906-1640.
- 10.00 цагт: УИХ дахь намын бүлгүүд хуралдана.
- 11.00 цагт: “Монгол ньюс” мэдээллийн төвд: Иргэдийн төлөөллөөс “Эрдэнэс Тавантолгой” ХК-ийг 100 хувь иргэдэд өмчлүүлэхийг уриалж мэдээлнэ.
- 12.00 цагт: Төрийн ордонд: Эмийн үнийн өсөлтийг хянан шалгах Түр хороо хуралдана.
- 11.00 цагт: “ЗМ”-ний мэдээллийн төвд: Иргэн Г.Ганжаргалын амь насыг хохироосон гэмт хэргийг яаралтай шийдвэрлүүлэх талаар төр, засагт хандаж байгаа талаар хэвлэлийн бага хурал болно.
- 11.30 цагт: Сүхбаатар дүүргийн Эрүүгийн хэргийн анхан шатны шүүхийн гадна: Шүүхээс Н.Өнөрцэцэгийн сэтгүүлчээр ажиллах эрхийг хязгаарласантай холбогдуулан түүний өмгөөлөгч О.Батсүх мэдээлэл хийнэ.
- ЕБС-иудын сурагчдын амрал дуусаж, IY улирлын хичээл эхэлнэ.
Энэ өдөр дэлхийн түүхэнд:
- 1232 - Монголын эзэнт гүрний цэргүүд Жин гүрний нийслэл Кайфенг хотыг бүслэв.
- 1665 - Английн колониудын захиргаа Хойд Америкийн Нью-Жерсигээс зүүн хойд зүгт Монмаут тойрогт захиргааны байр барьжээ.
- 1730 - АНУ-ын Нью-Йорк хотод еврейн шашны анхны сүм баригдав.
- 1740 - Британи-Испанийн дайны үеэр Британийн усан онгоцууд Испанийн "Принцеса" хөлөг онгоцыг эзлэн авчээ.
- 1820 - Оттоманы эзэнт гүрэнд харьяалагдаж байсан Милошийн Аахен арлаас гар нь тасран унасан Венус охин тэнгэрийн барималыг илрүүлэв.
- 1864 - Америкийн иргэний дайн: Луйзана мужийн Менсфельд хотод Холбоотны цэргийн хүч Эх газрын армийг бүслэлтэд оруулав.
- 1866 - Австрийн эзэнт гүрний эсрэг Итали, Прусс эвсэхээр болжээ.
- 1904 - Францын гуравдугаар бүгд найрамдах улс Их Британи болон Ирландын эзэнт гүрэнтэй хамтын ажиллагааны гэрээ байгуулав.
- АНУ-ын Нью-Йорк хотын Манхеттаны дундад дүүрэгт орших Лонгакрын талбайг "Таймс Скүер" гэж нэрлэх болжээ.
- 1906 - Алцхаймерын өвчнөөр оношлогдсон анхны өвчтөн болох Август Дитер насан эцэслэв.
- 1908 - Харвардын их сургуулийн захиргаа Харвардын бизнесийн сургуулийг байгуулах шийдвэр гаргажээ.
- 1911 - Голландын физикч Хайк Камерлин Онес соронзон орны үнэмлэхүй дамжуулах чадварыг нээв.
- 1913 - АНУ-ын Үндсэн хуулийн 17 дахь нэмэлт өөрчлөлтөөр Сенатын сонгууль зохион байгуулах журамд өөрчлөлт оруулжээ.
- 1918 - Дэлхийн нэгдүгээр дайн: Нью-Йорк хотын хөрөнгийн биржээс алдарт жүжигчид болох Дуглас Фейрбанкс, Чарли Чаплин нар дайны бонд худалдан авав.
