“Монгол наадам цогцолбор” ОНӨТҮГ-аас санаачлан “Монгол наадам Дэлхийн өв“ сэдэвт хэлэлцүүлгийг өнөөдөр 11.00 цагт Чингис хаан үндэсний музейд зохион байгуулна. Уг хэлэлцүүлэг нь Юнескогийн хүн төрөлхтний биет бус соёлын өвийн төлөөллийн жагсаалтад бүртгэгдсэн үндэсний эв нэгдлийн их баяр цэнгэл болох Монгол наадмын түүх, өв соёл, зан заншил, уламжлалыг сурталчлан таниулах, “Монгол наадам цогцолбор” ОНӨТҮГ-ын түүхэн замнал, цаашдын хөгжлийн талаар ярилцана.
Хэлэлцүүлэгт СУИС-ийн Соёлын сургуулийн захирал, Соёл судлалын доктор профессор Ш.Эрдэнэцэцэг “Соёлын биёт бус өв-Монгол наадам”, Монгол улсын гавьяат барилгачин, Нийслэлийн хот төлөвлөлт, судалгааны институтийн зөвлөх инженер Г.Нарангэрэл “Монгол наадам цогцолборын анхны төлөвлөлт”, Монгол наадам цогцолбор ОНӨТҮГ-ын дарга, доктор С.Сайнбаяр “Монгол наадам цогцолборын үйл ажиллагааны өнөөгийн нөхцөл байдал, ирээдүйн чиг хандлага” сэдвүүдээр тус тус илтгэл тавин оролцож хэлэлцүүлэг өрнүүлнэ.Энэ үеэр Монгол наадам цогцолбортой хамтран ажилладаг байгууллагын төлөөллүүд уригдан оролцож Монгол наадам цогцолборын цаашдын хөгжлийн талаар хэлэлцэнэ.
