9 дүгээр сарын 5-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 248 дахь өдөр бөгөөд он дуусахад 119 хоног үлдлээ.
- Цаг агаар өдөртөө 22 хэмийн дулаан бол шөнөдөө 4 градус дулаан байх нь ээ.
- Билгийн тооллын 21, Нэгэн эхийн зургаан хөвгүүн одтой, улаан бар өдөр. Тухайн өдөр морь, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнех эхлэх, хүү сангийн эх хатгах, эд адгуурс авах, зээл авах, арвижуулах, дэлгэрүүлэх үйлийг эхлэх, хараал жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг цагдаагийн үйл, андгай тангараг, гэрээ хэлцээ буцаахад сайн. Золиг гаргах, бомбын үйл, хүүхэд хөлд оруулахад муу. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3472.00, зарах нь 3476 төгрөгтэй тэнцэж байгаа бол бусад валют болох рубль авах нь 36.00, зарах нь 36.20, харин юань авах нь 480.00, зарах нь 481.50, вон авах нь 2.62, зарах нь 2.64 төгрөг байна.
Өнөөдөр болох онцлох үйл явдлууд:
-
11.00 цагт ЗТХ-ийн сайд С.Бямбацогтыг АТГ-т өгөх талаар хохирогчид АТГ-ын гадаа мэдээлэл хийнэ. Утас: 99117106
-
16.00 цагт СУИС, Уран зургийн галерей болон “Амгалан Ертөнц” сангаас Төрийн соёрхолт, Ардын зураач Д.Амгалангийн мэндэлсний 90 жилийн ойд зориулсан “Бидний мөрөөдөл” уран зургийн үзэсгэлэнг Монголын Уран зургийн галерейн үзэсгэлэнгийн танхимд нээнэ.
-
“Монголын соёлын биет өвийн хадгалалт хамгаалалтын шинжлэх ухаан, сэргээн засварлалт-2023” эрдэм шинжилгээний анхдугаар хурлыг МУИС-ийн Номын сангийн 502 тоотод зохион байгуулна.
-
Монгол Улсын Дүрслэх урлагийн академийн хүндэт профессор, зураач С.Дагвадорж, уран бүтээлч Д.Дөлгөөн нарын хамтарсан "Алтан огтлолцол" уран бүтээлийн үзэсгэлэн есдүгээр сарын 10-ныг хүртэл МУЭ-ийн Арт галерейд үзэгчдийн хүртээл болно
Энэ өдөр дэлхийн түүхэнд:
- Өнөөдөр Энэтхэг улсад Багш нарын баярын өдөр тохиож байна.
- 1534 онд Францын судлаач, эрдэмтэн Жака Картьегийн канад руу явуулсан далайн аялал дууссан.
- 2000 онд Протон Пуужин зөөгчийг амжилттай хөөргөсөн.
- 1905 онд Портсмушейн найрамдлаар Орос Японы дайн төгссөн (Орос Японд Порт-Артур ба Өмнөд Солонгосыг Японы нөлөөнд байхыг зөвшөөрсөн).
- 1990 онд Мөсөн гүнж хэмээгддэг БНСУ-ын уран гулгалтын тамирчин, 2010 оны Олимпийн аварга, 2014 оны мөнгөн медальт Ким Юна /Kim Yuna/ мэндэлжээ.
- 1996 онд АНУ-д болсон 115 миллийн хурдтай хар салхи газрын нуранги үүсгэж, 3 тэрбум ам.долларын хохирол учруулж, 27 хүний амь насыг авч оджээ.
