Шагайн харваад 800 гаруй харваач оролцсоноос тэргүүн байрт Монгол Улсын хошой мэргэн Чойжилийн Буянжаргал ахлагчтай Өмнөговь аймгийн "Алтанговь транс" баг, дэд байрт Монгол Улсын мэргэн Цогбадрахын Отгонбаяр ахлагчтай Дундговь аймгийн "Дэлгэрэх бүрд" баг, гуравдугаар байрт Монгол Улсын үлэмж дархан мэргэн, спортын мастер Сундуйсүрэнгийн Ямааранз ахлагчтай Архангай аймгийн "АПУ Алдар" спорт хорооны баг шалгарсан байна.
Харин Өсвөрийн шагайчдын Тэргүүн байрт Эрдэнэбаатар ахлагчтай Дорноговь аймгийн Хул шанд ХХК-ийн баг, Дэд байрт Чингүүнболд ахлагчтай Өмнөговь аймгийн Алтанговь транс баг, Гуравдугаарт байрт Энхбат ахлагчтай Өвөрхангай аймгийн Өв Алтай Аргай Шонхор баг тус тус шалгарлаа.
