Нийслэлд олон хоног бороо орсны улмаас үер бууж, голуудын далан задарч, хүндрэл үүсээд байна. Үүний улмаас өндөржүүлсэн бэлэн байдал зарлаж, онцгой, цэрэг, цагдаа, эмнэлгийнхэн өдөр шөнөгүй ажиллаж буй. Дайны хажуугаар дажин гэгчээр “Playtime-2023” хөгжмийн наадам өнөөдөр буюу ганцхан цагийн дараа эхлэх гэж байна. Бидэнд ирсэн мэдээллээр нийслэлийн Онцгой комисс, нийслэлийн Цагдаагийн удирдах газраас“Playtime-2023” хөгжмийн наадмыг хойшлуулах зөвлөмж гаргасан гэнэ. Харин бид “Playtime-2023” хөгжмийн наадмыг зохион байгуулагчдаас дараах зүйлийг тодрууллаа.
- “Playtime-2023” хөгжмийн наадмыг хойшлуулна гэсэн мэдээлэл байна. Энэ талаар мэдээлэл өгөөч?
- “Playtime-2023” хөгжмийн наадам хойшлоогүй. Яг цагтаа буюу 17.00-д эхэлнэ.
- Үер усны аюул их байна. Гол усны ойр учраас эрсдэл үүсэхгүй юу?
- Наадмын эргэн тойронд онцгой байдлын хамгаалалт гарч буй. Мөн эмнэлгийн байгууллагынхан бэлэн байдалд ажиллаж байна. Үүнээс гадна хувийн хамгаалалтын байгууллагатай гэрээ хийж, нэмэлт хамгаалалт авсан. Голын эрэг дагуу хайс, хашлага хийсэн. Тиймээс бид тоглолтоо хойшлуулахгүй.
Уг нь нийслэлийн Онцгой комиссоос "Playtime" хөгжмийн наадмыг зогсоох зөвлөмж хүргүүлсэн ч тэд ийн тоглолтоо үргэлжлүүлсээр байна.
