Өнөөдөр гадаа 8 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 118 дахь өдөр бөгөөд он дуусахад 247 хоног үлдлээ.
- Цаг агаар өдөртөө 8 хэмийн дулаан бол шөнөдөө 3 хэм хүйтэн байх нь ээ.
- Билгийн тооллын 8, Үнэг одтой, улаан луу өдөр. Тухайн өдөр хулгана, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, гөлөг тэжээхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал нас уртадна.
- Манай улсын голлох валют болох ам.долларын авах ханш ханш 3475.00, зарах нь 3481.00 төгрөгтэй тэнцэж байгаа бол бусад валют болох рубль авах нь 41.80, зарах нь 42.20 төгрөг байна. Юанийн авах нь 501.00, зарах нь 504.00, вон авах нь 2.62, зарах нь 2.64 төгрөг байна.
Өнөөдөр болох онцлох үйл явдлууд:
- 09.30 цагт ШУА-д: Дэлхийн оюуны өмчийн өдрийг тохиолдуулан “Бүтээлч хандлага, инновацыг эрчимжүүлцгээе” сургалт хэлэлцүүлэг болно. Энэ үеэр оюуны өмчийн шинжээч, итгэмжлэгдсэн төлөөлөгч, оюуны өмчийн үнэлгээчид болон мэргэшсэн сургагч багш нараас зөвлөгөө авах боломжтой. Утас: 9971-7977.
- 10.00 цагт Төрийн ордонд: Монгол Улсын Ерөнхийлөгчийн санаачилгаар хэрэгжүүлж буй “Эрүүл монгол хүн” үндэсний хөдөлгөөний үйл ажиллагааны чуулган болно.
- 11.00 цагт “ЗМ” сонины Үндэсний мэдээллийн төвд: “Нийгмийн амьдралд боловсролын байгууллагуудын оролцоо” сэдвээр Монголын ахмад багш нарын холбооноос мэдээлэл хийнэ.
- 11.00-15.00 цагт Соёлын өвийн Үндэсний төвд: Соёл, урлагийн газар, ШУА-ийн Хэл зохиолын хүрээлэн хамтран “СОЁЛЫН БИЕТ БУС ӨВИЙН ЭХ ХЭЛ, АМАН УЛАМЖЛАЛ БА ТҮҮНИЙ ИЛЭРХИЙЛЛИЙН АЙ: НӨХЦӨЛ БАЙДАЛ, ТУРШЛАГА, ГАРЦ ШИЙДЭЛ” хэлэлцүүлэг зохион байгуулна.
- 12.00 цагт “Мишээл Экспо”-д: “BARILGA EXPO 2023” олон улсын үзэсгэлэн, яармагийн “Барилгын материал, техник технологи” хэсгийн үзэсгэлэн нээгдэнэ. Утас: 9100-0200.
- 13.00-14.00 цагт Хил хамгаалах ерөнхий газар Монгол Улсын боловсролын их сургуультай хамтран "Эх түүх-Дархан хил" түүхийн улсын 25 дугаар олимпиадыг зохион байгуулсан талаар мэдээлнэ. Утас:9008-8881.
Энэ өдөр дэлхийн түүхэнд:
- 357 - Ромын эзэн хаан II Константинус Партын эзэнт гүрний хаан V Артабанусыг хөнөөж, дайнд ялалт байгуулжээ.
- 1253 - Японы буддын шашны томоохон зүтгэлтэн болох Ничирен буддын шинэ сургуулийг байгуулж, Ничирен буддимз үүсэн бий болжээ.
- 1503 - Черинолагийн дайнд анх удаа дарьт буу ашиглав.
- 1611 - Филиппиний Санто Томас хотод католик шашны их сургууль байгуулагдав. Энэ сургууль нь дэлхийн католик шашны хамгийн том сургууль юм.
- 1788 - АНУ-ын Үндсэн хуулийг Мерилэнд муж дэмжжээ. Ингэснээр үндсэн хуулийг дэмжсэн долоо дахь муж болсон байна.
- 1792 - Францын цэргүүд одоогийн Люксембург, Бельгийн нутаг дэвсгэрийг эзлэн түрэмгийлж, Францын хувьсгалын дайн дэгдсэн юм.
- 1796 - Францын эзэн хаан Наполеон Бонапарт, Сардинийн хаан III Амедео нар харилцан ойлголцлын санамж бичигт гарын үсэг зурав. Ингэснээр Сардинийн нутаг Францын харьяанд шилжжээ.
- 1869 - Хятад болон Ирландын ажилчид Номхон далайн галт тэрэгний төв сүлжээний ажлыг эхлүүлжээ.
- 1887 - Улс орондоо дайн дэгдээх гэж байсан гэх үндэслэлээр баривчлагдсан Пруссийн цагдаагийн нууц газрын ажилтан Гуйллайме Шанабелийг суллав.
- 1920 - Азербайжан улс ЗХУ-ын бүрэлдэхүүнд элсэв.
- 1923 - Английн хамгийн нэр хүндтэй цэнгэлдэх хүрээлэнгийн нэг "Уембли" цэнгэлдэх албан ёсоор үүдээ нээжээ. Тухайн үедээ "Эмпайр" нэртэйгээр үүдээ нээж байсан гэдэг.
