Өнөөдөр гадаа 5 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 14-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 103 дахь өдөр бөгөөд он дуусахад 262 хоног үлдлээ.
- Цаг агаар өдөртөө 5 хэмийн дулаан бол шөнөдөө 10 хэм хvйтэн байх нь ээ.
- Билгийн тооллын 24, Сугар гараг. Булаагч одтой одтой, хар бар өдөр. Өдрийн наран 6 цаг 06 минутад мандан, 19 цаг 39 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3500.00, зарах нь 3506.00 төгрөгтэй тэнцэж байгаа бол бусад валют болох рубль авах нь 42.10, зарах нь 42.80, юанийн авах ханш 511.00, зарах нь 512.70, вонын авах нь 2.68, зарах нь 2.70 төгрөгтэй тэнцэж байна.
Өнөөдөр болох онцлох үйл явдлууд:
- 09.00 цагт ШУА-д: "Газрын ховор элементийн судалгаа-Аж үйлдвэржилтийн сэргэлт” эрдэм шинжилгээний хурал, эрдэмтэн, мэргэжилтнүүд оролцсон хэлэлцүүлэг болно. Утас: 9905-2474, 9971-7977.
- 09.00-17.00 цагт “Холидэй Инн” зочид буудалд: “Монголд зочлох жил”-ийн хүрээнд Монгол зоог, зочлох үйлчилгээний салбарын “Gastronomy & Tourism” чуулган болно. Утас: 8810-6729; 8809-2319.
- 10.00 цагт УИХ-ын чуулганы нэгдсэн хуралдаан болно.
- 11.00 цагт Төрийн ордонд: УИХ-ын гишүүн Б.Баттөмөр Оюутолгойн асуудлаар Ерөнхий сайдад асуулга тавьсан талаар хэвлэлийн мэдээлэл хийнэ.
- 12.00 цагт Хэвлэлийн хүрээлэнд: ЮНЕСКО-ийн Монголын Үндэсний комисс, ХЭҮК, Монголын Эмнести Интернэшнл, "Глоб Интернэшнл", МСНЭ, Хэвлэлийн Хүрээлэн, Хэвлэл Мэдээллийн зөвлөл зэрэг байгууллага хамтарч “Дэлхийн хэвлэлийн эрх чөлөөний өдөр” 5-р сарын 3 хүртэл зохион байгуулах цуврал үйл ажиллагааны талаар мэдээлнэ. Утас:9908-2702, 9111-8403.
“ЗМ” сонины Үндэсний мэдээллийн төвд:
- 11:30 цагт Нийслэлийн Өргөө амаржих газрын буруугаас болж хүүхэд нь хохирсон талаар ээж нь мэдээлэл хийнэ.
- 12:00 цагт “Нүхэн жорлонгийн хувьсгал-2023”-ын талаар Монголын жорлонгийн холбооноос мэдээлэл хийнэ..
Энэ өдөр дэлхийн түүхэнд:
- Өнөөдөр Ангол улсад Залуучуудын баярын өдөр тохиож буй.
- Мөн Японы уламжлалт Такаяама фестивалийн эхний өдөр юм байна.
- 2014 онд Зүүн Хойд Нигерт ахлах сургуулийн 276 эмэгтэй сурагч Боко Харам гэх террорист бүлэгт барьцаалагдаж байжээ.
- 2010 онд БНХАУ-ын Шанхайд 6.9 баллын хүчтэй газар хөдөлж, ойролцоогоор 2700 орчим хүн нас баржээ.
- 1986 онд Бангладешт түүхэн дэх хамгийн хүнд мөндөр /1кг/ орж, 92 хүний амийг авч оджээ.
