Өнөөдөр гадаа 10 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 102 дахь өдөр бөгөөд он дуусахад 263 хоног үлдлээ.
- Цаг агаар өдөртөө 10 хэмийн дулаан бол шөнөдөө 5 хэм хүйтэн байх нь ээ.
- Билгийн тооллын 22, Суулга одтой, цагаан хулгана өдөр. Тухайн өдөр луу, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, лусыг тахих, хүүхэд үрчлэн авах, урлан бүтээхэд сайн. Улааны үйл, төлгө тавих, морь уралдах, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.
- Манай улсын голлох валют болох ам.долларын ханш авах нь 3501.00, зарах нь 3507.00 төгрөгтэй тэнцэж байгаа бол бусад валют болох рубль авах нь 42.50, зарах нь 43.00, юань авах нь 512.00, зарах нь 513.50, вон 2.68, зарах нь 2.70 төгрөг байна.
Өнөөдөр болох онцлох үйл явдлууд:
- 09.30 цагт “Чингис хаан” нисэх буудалд: Спорт өрөлтийн ДАШТ-ээс 27 медаль хүртсэн тамирчид эх орондоо ирнэ. Утас: 9908-1836.
- 10.00-13.00 цагт “Блью Скай” зочид буудалд: УИХ-ын Төсвийн байнгын хорооноос НҮБ-ын Хөгжлийн хөтөлбөрийн “Монгол Улсад Тогтвортой хөгжлийн зорилгуудтай уялдсан төсвийн төлөвлөлтөөр хөдөлмөр эрхлэлтийн шинэчлэлийг дэмжих нь” төсөлтэй хамтран “Төсвийн шинэчлэл” хэлэлцүүлэг” зохион байгуулж байна.
- 11.00 цагт АШУҮИС-д: “Уламжлалт анагаах ухааны 108 боть” төслийн хүрээнд хэвлэсэн 50 боть номын нээлт болно. Утас: 9907-0950.
- 11.40 цагт “Интерном”-д: Судлаач, доктор, АН-ын дэд дарга Б.Ган-Очирын “Шинэчлэлийн эцэг” номын нээлт болно. Утас: 9997-2117.
“ЗМ” сонины Үндэсний мэдээллийн төвд:
- 11.30 цагт "Хөвсгөл нутгаа дүүжлүүрийн олсноос аваръя" сэдвээр Хөвсгөл аймаг дахь “Шударга иргэдийн нэгдэл” ТББ, Тусгаар тогтнол хөдөлгөөний нэгдэл, “Бэлтэс мөрөн” компанийн хохирогчдын зөвлөлөөс мэдээлэл хийнэ.
- 12.00 цагт Монголын Залуучуудын холбооны ерөнхийлөгч асан Н.Гэрэлт-Од цаг үеийн нөхцөл байдалтай холбогдуулан мэдэгдэл хийнэ.
- 14.00 цагт Д.Сүхбаатарын талбайд: “Улаанбаатарын хаврын баяр-2023”-ын хүрээнд Улаанбаатар хотод үйл ажиллагаа эрхэлж буй соёл, урлагийн сургуулиуд, мэргэжлийн сургалтын төвүүдийн нэгдсэн өдөрлөг болно. СУИС, Монгол Улсын Консерватор, Кино урлагийн дээд сургууль, СИТИ их сургууль, "Урлах эрдэм" дээд сургууль зэрэг 20 гаруй сургууль болон сургалтын төвүүд оролцоно.
Энэ өдөр дэлхийн түүхэнд:
- 467 - Баруун Ромын эзэнт гүрний хаанаар Антемиусыг өргөмжилжээ.
- 1167 - Шведийн хаан Карл Сверкерссон алагдав.
- 1204 - Загалмайтны дөрөвдүгээр аян дайны үеэр Загалмайтны цэргүүд Константинополь хотын хана хэрмийг нэвтэрч, дараа өдөр нь бүрэн эзэлжээ.
- 1606 - Англи-Шотландын хөлөг онгоцууд нэгдсэн хаант улсын далбааг анх удаа мандуулав.
- 1776 - Америкийн хувьсгал: АНУ-ын Хойд Каролино мужийн нутгийн зөвлөл Британиас салан тусгаарлах эсэх асуудлаар санал хураалт явуулжээ.
- 1820 - Грекийг Оттоманы дарлалаас чөлөөлөх нууц бүлэглэл болох Филики Этериагийн толгойлогчоор Александер Ипсилантис сонгогдов.
- 1861 - Америкийн иргэний дайн: Самтер боомтын тулаан: Өмнөд Каролина мужийн Чарльзстон хотод орших Самтерын боомтыг Эх газрын арми бөмбөгдөж эхлэв.
- 1862 - Америкийн иргэний дайн: Пиллоу боомтын тулаан: Теннеси мужийн Пиллоу боомтын орчимд Эх газрын цэргүүд довтолж, хар арьстануудаас бүрдсэн арми бүхэлдээ бууж өгөв.
- 1865 - Америкийн иргэний дайн: Алабама мужийн Мобайл хотод холбоотны арми бууж өгчээ.
- 1877 - Их Британичууд Трансваалийн арлыг булаан эзлэв.
