Өнөөдөр гадаа 5 хэм хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 101 дахь өдөр бөгөөд он дуусахад 264 хоног үлдлээ.
- Цаг агаар өдөртөө 5 хэмийн хүйтэн бол шөнөдөө 13 хэм хүйтэн байх нь ээ.
- Билгийн тооллын 20, ангараг гараг. Гар одтой, шарагчин гахай өдөр. Өдрийн наран 6 цаг 12 минутад мандан, 19 цаг 35 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сүм дуганыг сэргээх, нялхсын хурим хийх, хийморийн дарцаг хатгахад сайн. Газар ухах, худаг гаргах, гөлөг тэжээх, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3500.00, зарах нь 3508.00 төгрөгтэй тэнцэж байгаа бол бусад валют болох рубль авах нь 42.40, зарах нь 43.80, юань авах нь 510.00, зарах нь 513.00, вон 2.67, зарах нь 2.70 төгрөг байна.
Өнөөдөр болох онцлох үйл явдлууд:
- 09.00-14.00 цагт Төрийн ордонд: УИХ-ын Байнгын хороод болон ажлын хэсгийн хуралдаан болно.
- 08.30 цагт Төрийн ордонд: "Шийдвэр гаргах түвшинд тэгш төлөөллийг хангах амлалт: Шийдвэр гаргах түвшинд жендэрийн тэгш байдлыг хангах эрх зүйн шинэчлэл” сэдэвт олон улсын форум болно.
- 10.00 цагт ЗТХ-ийн сайд С.Бямбацогт Зам, тээврийн хөгжлийн төв ТӨҮГ-т ажиллана. Утас: 8805-7167.
- 14.00 цагт Удирдлагын академид: “Жендэрийн мэдрэмжтэй төсөвлөлт” үндэсний форум болно. Утас: 9191-2940.
Энэ өдөр дэлхийн түүхэнд:
- Өнөөдөр Дэлхийн паркинсоны өдөр тохиож байна.
- 2006 онд Ираны ерөнхийлөгч Махмуд Ахмадинежад улсынхаа хэмжээнд ураныг амжилттай хөгжүүлж байгаагаа олон улсад зарлажээ.
- 2002 онд Венесуэлийн ерөнхийлөгч Уго Чавезын эсрэг 200 гаруй хүнийг хамарсан жагсаал Каракас хотод болжээ. Бослогыг ерөнхийлөгчийн тушаалаар хүч хэрэглэн тарааж, 19 жагсагч амиа алдав.
- 1993 онд АНУ-ын Охайо мужийн Лукасвиль хотод орших Өмнөд Охайгийн хорих газарт 450 хоригдол бослого дэгдээв. Исламын шашин болон Исламын үндэстэн хөдөлгөөний гишүүдийн дэгдээсэн уг бослого 10 хоногийн турш үргэлжилжээ.
- 1987 онд Йорданы хаан Хуссейн, Израйлийн гадаад харилцааны сайд Шимон Перес нар хамтран ажиллах нууц гэрээнд гарын үсэг зурав.
- 1979 онд Угандагийн дарангуйлагч Иди Аминий засаглал нуран унажээ.
- 1976 онд Технологийн алдарт Apple компанийн Apple I компьютерийг бүтээж дуусгав.
