Дөрөвдүгээр сарын 6.
Өнөөдөр гадаа 13 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
- Өнөөдөр бол жилийн 95 дахь өдөр бөгөөд он дуусахад 270 хоног үлдлээ.
- Цаг агаар өдөртөө -1 хэмийн дулаан бол шөнөдөө -13 хэм хүйтэн байх нь ээ.
- Билгийн тооллын 15, Бархасвадь гараг. Тэргүүн дагуул одтой, хөх морь өдөр. Өдрийн наран 6 цаг 21 минутад мандан, 19 цаг 28 минутад жаргана. Тухайн өдөр бар жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, угаал үйлдэх, тангараг тавих, гэр бүрэхэд сайн. Хэрүүл тэмцэл хийх, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн.
- Манай улсын голлох валют болох ам.долларын ханш авах нь 3510.00, авах нь 3515.00 төгрөгтэй тэнцэж байгаа бол бусад валют болох рубль 44.10, 44.80 төгрөг, юань авах нь 511.00, зарах нь 513.50, вон авах нь 2.70, зарах нь 2.72 төгрөг байна.
Өнөөдөр болох онцлох үйл явдлууд:
- 09.00 цагт “Чингис хаан”-ы музейд: Бизнесийн цахим таатай, нээлттэй орчин бүрдүүлэх “E-Business” платформын нээлт болно. Бизнесийн орчин дахь төрийн үйлчилгээг цахимжуулж буй талаармэдээлнэ. Утас 9910-3830.
- 09:00 цагт МҮХАҮТ-нд: Барилгын материалын үйлдвэрлэгчид, ханган нийлүүлэгчид, худалдаа, үйлчилгээ эрхлэгчдэд зориулсан “Барилгын салбарын ханган нийлүүлэгчдийн чуулган-2023” болно. Утас: 9100-0200.
- 10.00 цагт Ус, цаг уур орчны шинжилгээний газарт: БОАЖЯ-наас цаг үеийн асуудлаар хэвлэлийн бага хурал зарлажээ. “Ногоон зээл”-ийн хэрэгжилт, “Петрочайна” компанийн химийн хог хаягдлын талаар холбогдох газар, хэлтсийн дарга нар мэдээлнэ. Утас: 8803-8882.
- 10:00 цагт УИХ-ын чуулганы нэгдсэн хуралдаан болно.
- 10:00 цагт ШУТИС-ийн Мэдээлэл, холбооны технологийн сургуульд: БНСУ-ын Засгийн газрын тусламжаар КОЙКА байгууллагын хэрэгжүүлж буй төслийн нээлт болно. Утас: 70153-333.
- 11:30 цагт “Корпорэйт Конвеншн” төвд: “Авто зам-Экспо 2023” авто замын шинэ техник, технологийн олон улсын үзэсгэлэн нээгдэнэ. Утас: 8805-7167.
- 11.30-13.30 цагт “Шангри-Ла” зочид буудалд: ХААН банк нээлттэй хувьцаат компани болохоор хувьцаагаа олон нийтэд санал болгож эхэлсэнтэй холбогдуулан үнэт цаасаа танилцуулна. Орон нутагт Дархан-Уул, Орхон, Өмнөговь, Хөвсгөл аймагт нэгэн зэрэг болно.
- 16:00 цагт Улсын Дуурь Бүжгийн Эрдмийн театрт: “Бүх нийтийн эрүүл мэндийн төлөө” уриан дор тэмдэглэж буй “Дэлхийн эрүүл мэндийн өдөр-2023” үйл ажиллагаан зохион байгуулна. Утас: 8911-9482.
Энэ өдөр дэлхийн түүхэнд:
- Өнөөдөр Шотланд үндэсний хувцасны өдөр тохиож байна.
- Мөн Индонез улсад Загасчдын өдөр тохиож байгаа аж.
- 1956 оны энэ өдөр Английн улс төрч Ли Скотт мэндэлжээ.
- 1979 онд Непалд оюутнуудын томоохон жагсаал болж, 11 хүн нас барж, 164 хүн шархдаж байжээ.
- 1973 онд НАСА PIONEER 11 хэмээх сансрын хөлгөө сансарт хөөргөжээ.
