Өнөөдөр гадаа 4 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 5-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 95 дахь өдөр бөгөөд он дуусахад 270 хоног үлдлээ.
- Цаг агаар өдөртөө 4 хэмийн дулаан бол шөнөдөө 12 хэм хүйтэн байх нь ээ.
- Билгийн тооллын давхарласан 14, Тугчин одтой, харагчин могой өдөр. Тухайн өдөр үхэр, тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал, жатхыг буцаах, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Ханш нээх (9цаг 16м) өдар. Үс шинээр үргээлгэх буюу засуулбал эд, мал арвидна.
- Манай улсын голлох валют болох ам.долларын ханш авах нь 3510.00, зарах нь 3517.00 төгрөгтэй тэнцэж байгаа бол бусад валют болох рубль авах нь 44.60, зарах нь 45.00, юанийн авах ханш 512.00, зарах нь 514.00, вонын авах нь 2.69, зарах нь 2.72 төгрөгтэй тэнцэж байна.
Өнөөдөр болох онцлох үйл явдлууд:
- 10.00 цагт УИХ-ын байнгын болон дэд хороод хуралдана. АН-ын бүлгээс Сонгуулийн хуулийн төслөө танилцуулна.
- 11.00 цагт Үндэсний номын санд: Унгарын алдарт яруу найрагч Пэтөфи Шандорын мэндэлсний 200 жилийн ойн хүрээнд Унгарын ЭСЯ-наас санаачлан хэвлэн гаргасан "Эрх чөлөөний дууч Пэтөфи Шандор" шүлгийн номын нээлт болно. Утас: 9907-2224.
- 12.00 цагт “Монгол Ньюс” мэдээллийн төвд: иргэн Д.Монголхүүг хорьсон шүүх хурлын явцын талаар түүний өмгөөлөгч, ар гэрийнхэн мэдээлэл хийнэ.
- 15.00 цагт ЦХХХЯ-нд: Хүний эрхийн болон олон улсын байгууллагууд, ТББ-уудын төлөөлөл “Шилэн” ажиллагааны хүрээнд ЦХХХ-ны сайд Н.Учралтай уулзаж, төрийн ил тод байдлыг шаардаж ажиллах талаар санал солилцоно. Утас: 9910-3830.
Энэ өдөр дэлхийн түүхэнд:
- 823 - Ромын пап I Паскал Италийн хаанаар I Лотейрыг өргөмжлөв.
- 1081 - Византын хаан ширээнд I Алексиос Комненос суужээ. Тэрээр тухайн үеийн Комненианы хант улсыг хамтатган захирах болсон юм.
- 1242 - Александер Невскийгээр удирдуулсан Оросын цэрэг Пейпусын нуурны орчим Тевтоникийн баатруудын эсрэг тулалдав.
- 1536 - Ариун Ромын эзэнт гүрэн Тунистэй хийсэн дайнд ялсантай холбогдуулан Ромд ялалтын сүрт баяр болжээ. Энэ нь Ромын эзэнт гүрний хувьд сүүлийн ялалт байсан юм.
- 1566 - Голландын 200 язгууртан Хендрик ван Бредеродын удирдлаганд нэгтэж одоогийн Испанийн Парма хот руу довтлов.
- 1609 - Японы өмнөд Кюшюгийн лорд Тадацүне Шимазү Рюкюгийн эзэнт гүрэнг амжилттай эзлэн авчээ.
- 1614 - Уугуул Америк үндэстэн Покахонтас одоогийн Виржиниа мужид Английн эзлэн түрэмгийлэгч Жон Рольфтой гэрлэв.
- 1710 - Их Британид Аннагийн тунхаг батлагдаж улмаар зохиогчийн эрхийн хууль хэрэгжиж эхэлжээ.
- 1722 - Голландын аялагч Якож Роггевийн Чилийн "Улаан өндөгний арал" буюу Пасхи арлыг илрүүлэв.
- 1792 - Америк даяар ерөнхийлөгч Жорж Вашингтоны хүч, эрх мэдэл хүчирхэгжиж эхэлжээ.
- 1795 - Базелийн энхийн гэрээнд сөргөлдөгч талууд гарын үсэг зурснаар Франц Пруссийн хооронд энхтайван тогтов.
