Өнөөдөр гадаа 6 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 3-ны өдөр
Өглөөд заавал мэдэж байх ёстой зүйлүүд:
- Өнөөдөр жилийн 93 дахь (өндөр жил бол 94 дэх) өдөр юм. Мөн он дуустал 272 өдөр үлдэж байна.
- Цаг агаар өдөртөө 6 хэм дулаан бол шөнөдөө 18 хэм хүйтэн байх нь ээ.
- Билгийн тооллын 13, Сумъяа гараг. Бага морь одтой, цагаагчин туулай өдөр. Өдрийн наран 6 цаг 27 минутад мандан, 19 цаг 24 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, сэтгэлд сэвтэй газар очих, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал жаргал ирнэ.
- Манай улсын голлох валют болох ам.долларын ханш авах нь 3515.00, зарах нь 3520.00 төгрөгтэй тэнцэж байгаа бол бусад валют болох рубль авах нь 45.00, зарах нь 45.50, юанийн авах ханш 511.00, зарах нь 514.00, вонын авах нь 2.71, зарах нь 2.73 төгрөгтэй тэнцэж байна.
Өнөөдөр болох онцлох үйл явдлууд:
- 09.00-13.00 цагт: Төрийн ордонд: “Тариалангийн сэргэлт-2023” үндэсний чуулган болно. Үр тарианы үйлдвэрлэл эрхлэгчдийн салбар хуралдаан мөн болно.
- 15.00-18.00 цагт: “Туушин” зочид буудалд: “Тариалангийн сэргэлт-2023” үндэсний чуулганы хүрээнд төмс, хүнсний ногоо болон жимс, жимсгэнийн үйлдвэрлэл эрхлэгчдийн салбар хуралдаантай. Утас:8810-1990.
- 10.00-11.30 цагт: “Диспетчерийн үндэсний төв”-д: ЖАЙКА-ийн дэмжлэгээр “Монгол Улсад сэргээгдэх эрчим хүчний оролцоо ихтэй эрчим хүчний системийн тогтвортой байдлыг нэмэгдүүлэх, эрчим хүчний салбарын инженер техникийн ажилчдын чадавхыг бэхжүүлэх” төслийн хүрээнд RTDS симулятор хүлээж авах ёслолын үйл ажиллагаа болно.
- 10:00 цагт: БГД-ийн Засаг даргын Тамгын газрын үүдэнд:Тус дүүргийн ИТХ-ын АН-ын бүлэг Засаг дарга Ө.Сумъяабаатарыг огцруулсантай холбоотой мэдээлэл хийнэ. Утас: 9100-0017.
- 10.30 цагт: МҮЭ-ийн Холбооны байранд: Тус холбооноос цалин хөлс, хөдөлмөрийн маргаан, ажил хаялт зарласан нөхцөл байдал болон нийгмийн даатгалын багц хууль, ХАБ, эрүүл ахуйн сарын аян, цаг үеийн асуудлаар хэвлэлийн бага хурал зарлажээ. Утас: 9914-9240, 9511-5380.
- 14.00 цагт: Спортын төв ордонд: Нийслэлийн Засаг даргын нэрэмжит ЕБС-ийн сурагчдын "Улаанбаатар лиг" волейболын шигшээ тэмцээний нээлт болно. утас: 9663-5753, 9928-5651.
- 18.00 цагт: “Чингис хаан”-ы музейд: Олон улсын уран бүтээлчдийн баярын өдрийн ёслол хүндэтгэлийн үйл ажиллагаа болно. Монголын нэртэй, салбар салбарын 250 гаруй уран бүтээлч урилгаар оролцоно.
Энэ өдөр дэлхийн түүхэнд:
- 801 - Франкын хаан Луй Пиу олон сарын хугацаанд бүслэсний эцэст Барселона хотыг эзлэн авчээ.
- 1043 - Английн хаан ширээнд "Үнэн" Эдуард суув.
- 1559 - Чатеу-Камбресигийн энхийн гэрээ байгуулагдсанаар Италийн дайн дуусчээ.
- 1834 - Грекын тусгаар тогтнолын төлөөх дайнд оролцсон генералуудыг шүүх ажиллагаа эхлэв.
- 1865 - Америкийн иргэний дайн: Эх газрын Америкийн нийслэл гэгдэх Виржиниа мужийн Ричмонд хотыг Холбоотны цэргийн хүч эзлэн авчээ.
- 1885 - Германы зохион бүтээгч, инженер Готтлеб Даймлер өөрийн бүтээсэн хөдөлгүүртээ зохиогчийн эрх авав.
- 1888 - Английн Лондон хотын зүүн захын Уайтчапел хотод эзэн холбогдогчийг нь хэзээ ч тогтоож чадаагүй 11 цогцос олджээ.
- 1895 - Алдарт зохиолч Оскар Уайлдыг ижил хүйстэнтэйгээ явалдсан гэх үндэслэлээр шоронд хорив.
- 1922 - ЗХУ-ын Коммунист намын анхны ерөнхий нарийн бичгийн даргаар Йозеф Сталин тодорчээ.
- 1933 - Эверест буюу Жомолунгма хайрханыг судлахаар Британийн анхны экспедиц Төвдийг зорив.
- 1936 - Алдарт нисгэгч Чарльз Линдбергийн хүүг барьцаалсан хэрэгт буруутай гэж үзэн Бруно Ричард Хауптманн гэгчид цаазын ял оноожээ.
- 1942 - Дэлхийн II дайн: Батааны хойгт Японы цэргийн хүч халдан довтлов. Тус хойгийг АНУ болон Филиппиний арми хамтран хамгаалсан юм.
- 1946 - Батааны хойгт цуст яргалал зохион байгуулсан гэх үндэслэлээр Японы цэргийн жанжин Хомма Масахаруг цаазлав.
- 1948 - АНУ-ын ерөнхийлөгч Харри С.Труманы боловсруулсан хөгжил буурай 16 улсад туслах хөтөлбөрт 5 тэрбум ам.доллар олгох зарлигт гарын үсэг зуржээ.
