Өнөөдөр гадаа 17 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 30-ний өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 89 дахь өдөр бөгөөд он дуусахад 276 хоног үлдлээ.
2. Цаг агаар өдөртөө 17 хэмийн дулаан бол шөнөдөө 1 хэм хүйтэн байх нь ээ.
3. Билгийн тооллын 9, Өглөгт охин одтой, улаагчин гахай өдөр.Тухайн өдөр туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, сан тавиулах, угаал үйлдэх, нялхсын хурим хийх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, сэтгэлд сэвтэй газар очих, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
4. Манай улсын голлох валют болох ам.долларын ханш авах нь 3515.00, зарах нь 3522.00 төгрөгтэй тэнцэж байгаа бол бусад валют болох рубль авах нь 45.40, зарах нь 45.70, юанийн авах ханш 513.00, зарах нь 515.00, вонын авах нь 2.71, зарах нь 2.73 төгрөгтэй тэнцэж байна.
Өнөөдөр болох онцлох үйл явдлууд:
- 08.00 цагт: “Чингис хаан”-ы музейд: Стандарт хэмжил зүйн газраас “Стандарт ба хөгжил” үндэсний хэлэлцүүлгийг зохион байгуулна. Хэлэлцүүлэгт Шадар сайд С.Амарсайхан, ЗГХЭГ-ын дарга Д.Амарбаясгалан болон 21 аймгийн Стандарт хэмжил зүйн хэлтэс, 13 яам, нийслэл, 9 дүүргийн мэргэжилтнүүд, иргэдийн төлөөлөл оролцоно.
- 09.00-12.00 цагт: Төрийн ордонд: Дэлхийн эмч нарын өдрөөр ЭМЯ-наас хот хөдөөгийн 800 эмч оролцсон “Эмч танаараа бахархъя” хүндэтгэлийн үйл ажиллагааг зохион байгуулна. Утас: 9191-5340, 8911-9482.
- 09.30 цагт: Багш, оюутны хөгжлийн төвд: "Үндэсний үйлдвэрлэлийг төрийн худалдан авах ажиллагаагаар дэмжих нь" сургалт хэлэлцүүлэг болно. Хэлэлцүүлэгт Монгол Улсын Ерөнхийлөгчийн Эдийн засгийн бодлогын зөвлөх Б.Даваадалай, Үйлдвэр,үйлчилгээний бодлогын зөвлөх Ч.Даваабаяр болон дотоодын үйлдвэрлэл эрхлэгчид оролцоно. Утас: 9811-9443, 9191-8297.
- 09.30-11.30 цагт: Д.Нацагдоржийн нэрэмжит номын санд: Агаар, орчны бохирдлын улмаас хүүхдэд үүсэж буй өвчлөл, хорт хавдрын талаар мэргэжлийн эмч, судлаач нар мэдээлэл солилцож, хэвлэлийнхэнтэй уулзана. Утас: 9111-8403.
- 10.00 цагт: УИХ-ын чуулганы нэгдсэн хуралдаантай.
- 10.00 цагт: “Корпорэйт конвеншн” төвд: Монголын Үйлдвэрлэлийн геологичдын холбооноос “Монголын Геологи, хайгуул-2023” чуулга уулзалт, үзэсгэлэн зохион байгуулж байна.
- 10.30 цагт: Улаанбаатар хотын гаалийн газарт: "Цахим гааль" өдөрлөг болно.
- 11.00 цагт: АН-ын байранд (Төв шуудангийн урд талд байрлах) тус намаас 3300 оюутан залуучуудыг хамруулсан "Боловсролоороо гоёцгооё" хөтөлбөрийг танилцуулна. Уг хөтөлбөрөөр 33 оюутанд сургалтын төлбөрийн тэтгэлэг гардуулна. Утас: 9090-3579, 8802-0698.
- 11.40 цагт: “Монгол ньюс” мэдээллийн төвд: Дэлхийн эмч нарын өдрийг тохиолдуулан эмч нарын тухай хийсэн шинэ уран бүтээлийн талаар Улсын төв III эмнэлгээс мэдээлнэ.
- 11.00 цагт: АН-ын төв байр /Шонхор тауэр/-нд тус намаас УИХ-ын нэр бүхий гишүүдийн бүрэн эрхийг түдгэлзүүлэхтэй холбоотой мэдэгдэл хийнэ. Утас: 9100-0017.
- 11.00 цагт: Нийслэлийн Сүхбаатар дүүргийн 10-р хороонд Азийн Хөгжлийн банкны төслийн санхүүжилт 3.8 тэрбум төгрөгөөр барьсан 240 хүүхэд хүлээн авах хүчин чадалтай 17 дугаар цэцэрлэг ашиглалтад орно. 9901-7719.
Энэ өдөр дэлхийн түүхэнд:
- 598 - Аварчууд Византийн Томис хотыг хэд хоног бүслээд хотыг орин гарав.
- 1282 - Ниаполийн хаан I Чарльзын эсрэг Сицилийн иргэд бослого дэгдээжээ.
- 1296 - Англи, Шотландын хооронд хурцадмал байдал дэгдэв.
- 1815 - Италичуудын нэгдэх асуудал яригдаж эхэлжээ.
- 1822 - АНУ-д Флорида муж байгуулагдав.
- 1841 - Грекын нийслэл Афин хотод Грекын үндэс банк байгуулагджээ.
- 1842 - Америкийн мэс засалч Др.Кроуфорд Лонг анагаах ухааны салбарт мэдээ алдуулагчийг анх удаагаа ашиглав.
- 1844 - Гайтигаас тусгаар тогтнохын төлөөх Доминиканы дайн эхэлжээ.
- 1856 - Парисын тунхагт гарын үсэг зурснаар Крымын дайн өндөрлөв.
- 1863 - Данийн хунтайж Вилгельм Георг Грекын хаанаар өргөмжлөгджээ.
- 1867 - Оросын тал Аляскын нутаг дэвсгэрийг нэг акрыг нь 2 центээр бодож, 7.2 сая ам.доллараар АНУ-д худалджээ. Худалдааны гэрээг АНУ-ын төрийн нарийн бичгийн дарга Уиллиам Х.Сьювард үйлдсэн гэдэг.
- 1870 - Техасын газар нутаг Холбоотны эгнээнд нэгдэж, шинээр эмхлэгдэн байгуулагджээ.
- 1885 - Британи болон Оросын эзэнт гүрний хооронд дайн дэгдхэд ойртлоо.
- 1912 - Монгол Улсын хаан VIII Богд Жавзандамба Хаант Оросын улсын хаанд "Хоёр улсын хооронд байгуулах найрамдлын гэрээ байгуулахыг хүссэн" бичиг илгээв. Уг бичигт, “Монгол улсын эзэн хаан хичээнгүйлэн, Их Орос улсын эзэн, их баатар цагаан хаантны амгаланг эрэн, Их хаан танаас тусгайлан элчин сайд Кростовецийг мөхөс улсад илгээн найрамдлын гэрээ бичиг байгуулж, хоёр улс үүрд сайнаар найрамдан, энх түвшин жаргасугай хэмээснийг мөхөс улсын эзэн, түшмэл, лам, хар цөм нэгэн сэтгэлээр машид баярлаж амуй” гэж бичжээ.
