Өнөөдөр гадаа 13 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 29-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 88 дахь өдөр бөгөөд он дуусахад 277 хоног үлдлээ.
- Цаг агаар өдөртөө 13 хэмийн дулаан бол шөнөдөө 3 хэм хүйтэн байх нь ээ.
- Билгийн тооллын 8, Буд гараг. Хэрцгий охин одтой,улаан нохой өдөр. Өдрийн наран 6 цаг 38 минутад мандан, 19 цаг 17 минутад жаргана. Тухайн өдөр бар жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, хишиг даллага дуудуулах, насан бүтээл хийлгэх, хүүхэд үрчлэн авах, андгай тангараг, гэрээ, хэлцлээ буцаахад сайн. Нүүдэл суудал хийх, хэрүүл тэмцэл хийх, эрдэнийг гадагш өгөх, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой. Балжинням өдөр. Үс шинээр үргээлгэх буюу засуулбал нас уртадна.
- Манай улсын голлох валют болох ам.долларын ханш авах нь 3520.00, зарах нь 3524.00 төгрөгтэй тэнцэж байгаа бол бусад валют болох рубль авах нь 45.30, зарах нь 45.60, юанийн авах ханш 515.00, зарах нь 517.00, вонын авах нь 2.71, зарах нь 2.73 төгрөгтэй тэнцэж байна.
Өнөөдөр болох онцлох үйл явдлууд:
-
09.00 цагт Засгийн газрын хуралдаантай
-
10.00 цагт Баянзүрх дүүргийн засаг даргыг огцоруулах асуудлаар зууны мэдээ сонины байранд хэвлэлийн хуралтай.
-
12.00 цагт Монголын шатрын спортын тамирчид дэлхийд үнэлэгдэж, дээд хэмжээнд хөгжиж байгаа энэ цагт Монголын Шатрын Холбооны ерѳнхийлѳгч Э.Гурванбаатар, Шатрын Хүрээлэн тѳслийг санаачлагч Ж.Батбаяр цаг үеийн асуудлаар мэдээлэл хийж санамж бичигт гарын үсэг зурна.
-
10.00 цагаас Баянзүрх дүүргийн Засаг даргыг огцруулах талаар ИТХ-ын төлөөлөгч нараас Зууны мэдээ сонины төвд мэдээлэл хийнэ.
-
11.00 цагаас Газар эзэмших, өмчлөх иргэдийн холбооноос “Монгол Улсын иргэн бүрт газрыг нэг удаа үнэгүй өмчлүүлэх шаардлагыг Монгол Улсын Ерөнхий сайд Л.Оюун-Эрдэнэд хүргүүлэх тухай” мэдээллийг Зууны мэдээ сонины төвд хийнэ.
-
12.00 цагт Хөдөлмөр нийгмийн хамгааллын яамны үүдэнд хүүхдийг хүчирхийлэхийн эсрэг гэмт хэргийг таслан зогсоох ОДОО БОЛНО жагсаал хийх тухай мөн хүүхдийн эрх зөрчсөн асуудлыг нотлох баримттай дэлгэнэ.
Энэ өдөр дэлхийн түүхэнд:
- 845 - Парисчууд бүслээд байсан Викингийн цэргүүдийг нутгаасаа хөөн гаргажээ.
- 1430 - Мурад II хааны удирдлаган доорх Оттоманы цэргүүд Венецийн бүгд найрамдах улсын Тессалоника хотыг эзлэв.
- 1461 - Сарнайн дайн: Таутоны тулаанд Йоркын гүн Эдуард Хатан Маргаретын цэргүүдийг бут ниргэж Английн хаан IV Эдуард болжээ.
- 1549 - Бразилийн анхны нийслэл Сальвадар да Бахиа хот байгуулагдав.
- 1632 - Канадын Күебек мужид Франц улс Сейн-Жермейны гэрээнд гарын үсэг зурсны дагуу ханалтаа тогтоожээ.
- 1792 - Стокгольмын Эзэн хааны дуурийн театрт болсон тоглолтыг үзэж байгаад Шведын хаан III Густаф буудуулан амиа алдав. Энэ үйл явдлаас хойш 13 өдрийн дараа амиа алдсан бөгөөд түүний орыг IV Адольф Густаф залгажээ.
- 1806 - АНУ түүхэндээ анх удаа Камберлендын хурдны замыг барьж эхлэв.
- 1809 - Шведын хаан IV Адольф Густаф төрийн эргэлтээс шалтгаалан хаан ширээнээсээ буужээ. Улмаар Финландын их ван Шведыг түр хугацаанд хянах болжээ.
- 1937 - Гайти улсын зургаа дахь ерөнхий сайд Смарк Мишель (2012 онд нас барсан)
- 1941 - Нобелийн шагналт Америкийн физикч Жозеф Хүүтон Тейлор
