Гуравдугаар сарын 27-ны өдөр. Цаг агаар, зурхай, валютын ханш гээд таны энэ өдрийн ажилд хэрэгцээтэй мэдээллийг хүргэе. Өдрийг сайхан өнгөрүүлээрэй.
Өглөөд заавал мэдэж байх ёстой зүйлүүд:
1. Өнөөдөр бол жилийн 86 дахь өдөр бөгөөд он дуусахад 279 хоног үлдлээ.
2. Цаг агаар өдөртөө 10 хэмийн дулаан бол шөнөдөө 8 хэм хүйтэн байх нь ээ.
3. Билгийн тооллын 6, Чөлөөт эх одтой, хөх бич өдөр. Тухайн өдөр хулгана, луу жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хараал, жатхыг буцаах, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал өнгө зүс сайжирна.
4. Манай улсын голлох валют болох ам.долларын ханш авах нь 3525.00, зарах нь 3529.00 төгрөгтэй тэнцэж байгаа бол бусад валют болох рубль авах нь 45.70, зарах нь 46.20, юань авах нь 516.00, зарах 519.00 , вон авах 2.75, зарах нь 2.77 төгрөг байна.
Өнөөдөр болох онцлох үйл явдлууд:
- 08.00 цагт Монголын Банкны холбооноос банкны салбарын тоймыг танилцуулна.
- 08.30 цагт Үндэсний цэцэрлэгт хүрээлэнд: Бүжгийн спорт, нийтийн цэнгээнт бүжгийг хөгжүүлэн, хүүхэд залуусын чөлөөт цагийг зөв боловсон өнгөрүүлэх, гэр бүлийн оролцоог нэмэгдүүлэх зорилгоор “Хүн домог” бүжгийн их наадмыг зохион байгуулна. Утас: 8615-0048.
- 10.00 цагт УИХ дахь намын бүлгүүлд хуралдана.
- 11.30 цагт Нийслэлийн Баянгол дүүргийн Цагдаагийн I хэлтэст: Гоо сайхны эмнэлгийн буруутай үйл ажиллагаанаас болж, эрүүл мэнд гоо сайхнаараа хохирсон иргэн мэдээлэл өгнө. Утас: 99672927
- 12.00 цагт “One Event Hall”-д.Эрүүл мэндийн сайд С.Чинзоригийн санаачилгаар зохион байгуулж буй “Эмчээ сонсъё” ээлжит уулзалт хэлэлцүүлэг болно. Энэ удаад УИХ-ын гишүүд, нийслэлийн эрүүл мэндийн байгууллагууд, ЭМДЕГ, Эрүүл мэндийн ажилтнуудын ҮЭ, эмч нарын төлөөлөл, хэвлэл мэдээллийн байгууллагынхантай уулзана.
- 14.00 цагт БШУЯ-нд: "1000 инженер" төслийн энэ жил явах оюутнуудад батламж гардуулах ёслол болно. /401 тоот/
Энэ өдөр дэлхийн түүхэнд:
- 1309 - Ватиканыг бүсэлсэн генерал Феррара Ромын пап V Клементийг Венецтэй худалдаа наймаа хийх, бараа бүтээгдэхүүн нийлүүлэхгүй хаалттай байхыг шаарджээ.
- 1513 - Испанийн нэрт аялагч Хуан Понче де Леон анхны аялалаараа Багамын арлуудын умард хязгаар болон Флорида орчимд хүрэв.
- 1625 - Англи, Шотланд, Ирландын хаан ширээнд I Чарльз суужээ.
- 1782 - Их Британийн ерөнхий сайдаар Чарльз Уатсон-Вентуорт сонгогдов.
- 1794 - Их Британийн засгийн газар байнгийн тэнгисийн цэргийг зургаан харуулын онгоцтойгоор байгуулжээ.
- Дани, Швед улс хамтын ажиллагааны гэрээ байгуулав.
- 1809 - Суйдад Реалын тулаанд Франц-Польшийн цэргийн нэгдсэн хүч Испанийн цэрэгт ялагджээ.
- 1814 - АНУ-ын Алабама мужийн төвд АНУ-ын арми генерал Эндрью Жексоны удирдлаган дор Крийк омгийн индианчуудыг буулган авав.
- 1836 - Техасын хувьсгал: Мексикийн генерал Антонио Лопез де Санта Анна Техасын 342 цэргийг хороожээ.
- 1866 - АНУ-ын ерөнхийлөгч Эндрью Жексоны санаачилсан хуулийг дэмжих уриалгыг конгрессын гишүүдэд илгээв.
- 1871 - Регби спортын анхны олон улсын тоглолт Шотланд-Английн хооронд болж Шотландчууд ялалт байгуулжээ.
- 1899 - Тухайн цаг үедээ анх удаагаа Филипинийн цэргийн хүч Марилао голын эрэгт Америкийн цэргийн хүчтэй тулав.
- 1938 - Хятад-Японы хоёрдугаар дайн: Тайежүаны тулаан эхлэв. Энэ тулаан Хятадын ялалтаар өндөрлөсөн билээ.
- 1941 - Дэлхийн II дайн: Югославын нисэх ангийн оффицерууд сөргөлдөгч талуудын эсрэг төрийн эргэлт хийхийг завдав.
- 1943 - Дэлхийн II дайн: АНУ-ын цэргийн хүч Командорскийн арлыг Япончуудаас чөлөөлөв. Гэвч Японы тал дахин цэргийн хүч төвлөрүүлж эхэлжээ.
- 1945 - Дэлхийн II дайн: Японы арми Латин Америкийн улсуудын усан зам, боомт хотуудын тагнуулыг хийж эхэлжээ. Үүнийг мэдсэн Аргентин улс сөргөлдөгч талын эсрэг дайн зарлав.
- 1958 - ЗХУ-ын Сайд нарын зөвлөлийн даргаар Никита Хрушев тодорчээ.
