Гуравдугаар сарын 22-ны өдөр. Цаг агаар, зурхай, валютын ханш гээд таны энэ өдрийн ажилд хэрэгцээтэй мэдээллийг хүргэе. Өдрийг сайхан өнгөрүүлээрэй.
Өглөөд заавал мэдэж байх ёстой зүйлүүд:
- Өнөөдөр бол жилийн 81 дахь өдөр бөгөөд он дуусахад 284 хоног үлдлээ.
- Цаг агаар өдөртөө 11 хэмийн хүйтэн бол шөнөдөө -21 градус хүйтэн байна.
- Билгийн тооллын 1, Буд гараг. Могойг хүлэгч одтой, шарагчин туулай өдөр. Өдрийн наран 6 цаг 52 минутад мандан, 19 цаг 06 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, гарагийг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, улаа гаргах, хиншүү хярвас гаргах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3525.00, зарах нь 3531.00 төгрөгтэй тэнцэж байгаа бол бусад валют болох рубль авах нь 44.80, зарах нь 45.50, юанийн авах ханш 514.00, зарах нь 515.00, вонын авах нь 2.70, зарах нь 2.71 төгрөгтэй тэнцэж байна.
Өнөөдөр болох онцлох үйл явдлууд:
- 10.00 цагт: “Шангри-Ла” зочид буудалд: Олон улсын тээврийн форумын SIPA хөтөлбөрийн Монгол Улсыг хариуцсан төслийн баг “Улаанбаатар хотын зорчигч тээврийн хүлэмжийн хийн ялгарлыг бууруулах арга замыг тодорхойлох нь” төслийн үр дүнг танилцуулна. Утас: 8805-7167.
- 10.00 цагт: Нийслэлийн захиргааны 5-р байрын Иргэний танхимд:Стандарт, хэмжилзүйн газраас боловсруулсан "Төрөөс стандартчилал, хэмжилзүйн талаар баримтлах бодлого", "Стандарт ба хөгжил" үндэсний хөтөлбөрийн баримт бичгийн төслийг Нийслэлийн нутгийн захиргааны байгууллагуудад танилцуулна. Утас: 9976-3656.
- 11.00 цагт: ОБЕГ-т: ҮАБЗ, ОБЕГ, нийслэлийн Засаг даргын Тамгын газар хамтран газар хөдлөлтийн гамшгаас урьдчилан сэргийлэх талаар иргэдэд мэдлэг, мэдээлэл олгох, төрийн болон ТББ-уудын уялдаа холбоог сайжруулах зорилгоор 5 дугаар сарын 24-26-нд “Стратегийн команд штабын сургууль”-ийг зохион байгуулахтай холбогдуулан Хэвлэлийн бага хурал зохион байгуулна. Утас:8615-0069.
- 11.30 цагт: “ЗМ” сонины Үндэсний мэдээллийн төвд:Архивын олон нийтэд нийтлээгүй баримтуудыг багтаасан “Нэг хүнийг тахин шүтэхийн хор уршиг” /МАХН-ын Төв хорооны 1956 оны IV бүгд хурлын тэмдэглэлээс/ номын талаар болон Ю.Цэдэнбал, Ч.Сүрэнжав нарын хооронд Ерөнхий сайд болохын төлөө явуулж байсан ил болон далд тэмцлийн талаар Цагаатгах комиссоос мэдээлэл хийнэ.
Төрийн ордонд
- 09.30 цагт: Цэнгэг усны нөөц, байгаль хамгаалах төвд: Монгол Улсын Ерөнхийлөгчийн санаачилан зохион байгуулж буй “Цэнхэр алт” Үндэсний чуулганыг угтсан гурав дахь салбар хуралдаан болно.
- 09.00 цагт Засгийн газрын хуралдаан болно.
Энэ өдөр дэлхийн түүхэнд:
- “Дэлхийн усны өдөр” тохиож байна.
- 1997 онд Тара Липински 14 нас 10 сартайдаа уран гулгалтын дэлхийн хамгийн залуу эмэгтэй аварга болжээ.
- 1990 оны энэ өдөр Англи-Австрали гаралтай дуучин Лиза Митчелл мэндэлжээ.
- 2014 онд Африкийн хамгийн том нууруудын нэг болох Албертын нуурт завь хөмөрч, 251 гаруй хүн нас барж байжээ.
- 1997 онд 20-р зууны хамгийн том болон хамгийн тод гэрэлтэх сүүлт од "Hale-Bopp" дэлхийтэй хамгийн ойрхон зөрж өнгөрч байжээ.
