Өнөөдөр гадаа 4 хэм хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 21-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 80 дахь өдөр бөгөөд он дуусахад 285 хоног үлдлээ.
2. Цаг агаар өдөртөө 4 хэмийн хүйтэн бол шөнөдөө 22 хэм хүйтэн байх нь ээ.
3. Билгийн тооллын битүүн, Шувуун хошуут одтой, шар бар өдөр. Тухайн өдөр морь, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Хаврын хугас дунд (5ц 14м)-д болно. Үс шинээр үргээлгэх буюу засуулахад тохиромжгүй
4. Манай улсын голлох валют болох ам.долларын ханш авах нь 3525.00, зарах нь 3531.00 төгрөгтэй тэнцэж байгаа бол бусад валют болох рубль авах нь 44.80, зарах нь 45.50, юанийн авах ханш 514.00, зарах нь 515.00, вонын авах нь 2.70, зарах нь 2.71 төгрөгтэй тэнцэж байна.
Өнөөдөр болох онцлох үйл явдлууд:
- 08.00 цагт ЭМЯ-нд: “Эмчээ сонсъё” ээлжит хэлэлцүүлгээр хувийн хэвшлийн эрүүл мэндийн байгууллагын төлөөлөлтэй уулзана.
- 09.00 цагт МУИС-ийн төв номын санд: Олон улсын нийгмийн ажилтны өдрийг тохиолдуулан “Хамтран ажиллах замаар ялгаатай байдалд хүндэтгэлтэй хандахуй” нийгмийн ажилтны симпозиумыг МУИС-ийн Шинжлэх ухааны сургуулийн Социологи, нийгмийн ажлын тэнхимээс зохион байгуулна.
- 09.00 цагт Яармаг дахь нийслэлийн захиргааны байранд: “Барилгын чанар, аюулгүй байдал, стандарт” зөвлөгөөн болно. Утас: 9903-7310.
- 09.00 цагт Төрийн ордонд: Монгол Улсын Засгийн газар, “Жэй Си Ай Монгол” ТББ, Отгонтэнгэр их сургууль хамтран “Эерэг Монгол чуулган-2023”-ийг “Дээд боловсролын тогтолцоонд ажлын байранд суурилсан сургалтыг нэвтрүүлэх нь” сэдвээр зохион байгуулна. Утас: 8888-7874.
- 09.00 цагт Цэнгэг усны нөөц, байгаль хамгаалах төвд: Монгол Улсын Ерөнхийлөгчийн санаачилан зохион байгуулж буй “Цэнхэр алт” Үндэсний чуулганыг угтсан хоёр дахь салбар хуралдаан “Гадаргын усны нөөц ба тулгамдсан асуудал” хэлэлцүүлгээр үргэлжилнэ.
- 09.30 цагт “Шангри-Ла” зочид буудалд: Монгол дахь Америкийн Худалдааны танхим “АмЧам Монголиа”-аас “Дараачийн Оюутолгой хаана байгаа вэ?” сэдвээр хурал зохион байгуулна.
- 10.00 цагт Үндэсний номын санд: Монгол Улсын Хөдөлмөрийн баатар, Төрийн шагналт, Ардын уран зохиолч Дэндэвийн Пүрэвдоржийн мэндэлсний 90 жилийн ойд зориулсан "ХХ Зууны Монгол найраглалын үнэт зүйл - Д.Пүрэвдоржийн уран бүтээл" сэдэвт эрдэм шинжилгээний хурал болно.
- 10.00 цагт Гаалийн ерөнхий газарт: Боомтын үйл ажиллагаа хэвийн горимд шилжиж байгаа талаар хэвлэлийн бага хурал болно. Утас: 9914-5985, 9910-6505.
- 11.00 цагт АТГ-т: Иргэн Ж.Энхбат болон АН-аас “Шүгэл ажиллагаа"-ны хүрээнд мэдээлэл хийнэ. Утас: 9900-4811.
- 12.00 цагт “ЗМ” сонины Үндэсний мэдээллийн төвд: МУГЖ, дуучин М.Бямбажавын шавь залуу дуучин Г.Даваадалай бие даасан уран бүтээлийн тоглолт болон 21 аймгаар хийх аялан тоглолтын талаар мэдээлнэ.
- 12.00 цагт ҮАБЗ, ОБЕГ, нийслэлийн Засаг даргын Тамгын газар хамтран газар хөдлөлтийн гамшгаас урьдчилан сэргийлэх талаар иргэдэд мэдлэг, мэдээлэл олгох, төрийн болон ТББ-уудын уялдаа холбоог сайжруулах зорилгоор 5 дугаар сарын 24-26-нд “Стратегийн команд штабын сургууль”-ийг зохион байгуулах талаар мэдээлнэ. Утас:8615-0069.
Энэ өдөр дэлхийн түүхэнд:
- 537 - Ромын бүслэлт: Витижес хаан хотын зүүн болон хойд ханыг нэвтрэх гэж оролдов. Ромын иргэд Византийн генералуудын тусламжтайгаар довтолгооноос хамгаалж байсан гэдэг.
- 1152 - Францын хаан VII Луй Акүйтанын гүн Элеанортой гэрлэжээ.
- 1188 - Японы хаан ширээнд Антокү суув.
- 1800 - Ромын пап ламаар VII Пиус сонгогджээ.
- 1801 - Британи болон Францын цэргүүд Египетийн Никрополисийн балгасын орчим тулалдав.
- 1804 - Франц улсад "Наполеоны кодекс"-ыг хэрэгжүүлж эхлэв. Уг кодекс ёсоор Францын жирийн иргэн болон олон нийтийн газар, барааны тэмдэгт, газар нутгийг Наполеон гэсэн нэрээр нэрлэхгүй байхаар тусгажээ.
- 1871 - Германы хаант улсын канцелороор Отто фон Бисмарк томилогдов.
- 1913 - АНУ-ын Охайо мужийн Дейтон хотод их үер бууж 360 гаруй хүн амиа алдан 20,000 өрх орох оронгүй болжээ.
- 1918 - Дэлхийн нэгдүгээр дайн: Германы арми Михайль цэргийн ажиллагааг эхлүүлэв.
- 1919 - Оросод өрнөсөн Октябърын хувьсгалын дараа Унгар улс Зөвлөлийн засгаар замнахаар болов. Ингэснээр европ тивд Оросоос гадна анхны коммунист улс болсон юм.
- 1921 - Оросын большевик нам шинэ эдийн засгийн бодлого боловсрууллаа.
- 1925 - АНУ-ын Теннеси муж хүний хөгжлийг судлах, оюутан, сурагчдад заахыг хориглосон хууль батлав.
